మనలో చాలామంది సొంతింటి కలను సాకారం చేసుకోవాలని అనుకుంటూ ఉంటారు. అయితే రోజురోజుకు ఇనుము, సిమెంట్, ఇసుక, లేబర్ ఖర్చులు పెరుగుతుండటంతో ఎక్కువ మొత్తం డబ్బు ఉంటే మాత్రమే సొంతింటి కలను నెరవేర్చుకోవడం సాధ్యమవుతోంది. కరోనా, లాక్ డౌన్ వల్ల ఈ ఏడాది ఇళ్ల కొనుగోళ్లు భారీగా తగ్గాయి. ఇప్పుడిప్పుడే సాధారణ పరిస్థితులు ఏర్పడుతున్న నేపథ్యంలో కేంద్రం అమలు చేస్తున్న ఒక స్కీమ్ ద్వారా హోమ్ లోన్ పై తగ్గింపు, ఇతర ప్రయోజనాలను పొందవచ్చు.
Also Read: ఎస్బీఐ కస్టమర్లకు శుభవార్త.. ఇంటి నుంచే డబ్బులు వేసే, తీసే ఛాన్స్..?
2015 సంవత్సరం జూన్ నెల 25వ తేదీ నుంచి కేంద్ర ప్రభుత్వం ప్రధాన్ మంత్రి ఆవాస్ యోజన పేరుతో ఒక స్కీమ్ ను అమలు చేస్తోంది. ఈ స్కీమ్ ద్వారా పక్కా ఇల్లు లేని వారు వడ్డీ రాయితీ రుణం పొందే అవకాశం ఉంటుంది. దేశంలో 2022 సంవత్సరానికి గ్రామీణ, పట్టణ ప్రాంతాల్లోని ప్రజలు పక్కా ఇళ్లలో ఉండాలనే ఉద్దేశంతో కేంద్రం ఈ స్కీమ్ ను అమలు చేస్తోంది. పక్కా ఇళ్లు లేని వాళ్లు ఈ స్కీమ్ కు దరఖాస్తు చేసుకోవడానికి అర్హులు.
తక్కువ ఆదాయం ఉన్నవారు, ఆర్థికంగా వెనుకబడిన వారు, మధ్యతరగతి వారు ఈ స్కీమ్ కోసం దరఖాస్తు చేసుకోవచ్చు. కేంద్రం మూడు లక్షల కంటే ఆదాయం తక్కువగా ఉంటే అర్థికంగా వెనుకబడిన వారిగా, 3 లక్షల నుంచి 6 లక్షల మధ్య ఆదాయం ఉన్నవారు తక్కువ ఆదాయం ఉన్నవారిగా, 6 లక్షల నుంచి 18 లక్షల మధ్య ఆదాయం ఉన్నవారు మధ్య తరగతి వారిగా పరిగణిస్తోంది.
Also Read: భారతదేశంలో డ్రైవర్ లేని ట్రైన్.. ఎక్కడ రాబోతుందంటే..?
https://pmaymis.gov.in/open/check_aadhar_existence.aspx?comp=b వెబ్ సైట్ ద్వారా ఈ స్కీమ్ కోసం దరఖాస్తు చేసుకోవచ్చు. బ్యాంకులో హోమ్ లోన్ కోసం దరఖాస్తు చేసుకునే వాళ్లు లోన్ తీసుకునే సమయంలో ప్రభుత్వ సబ్సిడీకి సంబంధించిన దరఖాస్తు తీసుకోవాలి. సబ్సిడీకి మీరు అర్హులు అయితే ఆ సబ్సిడీ మొత్తం బ్యాంకుకు అందుతుంది. సమీపంలోని బ్యాంకును సంప్రదించి ఈ స్కీమ్ కు సంబంధించిన పూర్తి వివరాలను తెలుసుకోవచ్చు.
మరిన్ని వార్తలు కోసం: ప్రత్యేకం
6 లక్షల రూపాయల లోపు ఆదాయం ఉంటే రూ.2.67 లక్షలు, 6 నుంచి 12 లక్షల మధ్య ఆదాయం ఉంటే రూ.2.35 లక్షలు, 18 లక్షల వరకు ఆదాయం ఉంటే రూ. 2.30 లక్షలు సబ్సిడీ కింద పొందవచ్చు. సబ్సిడీ పోను మిగిలిన రుణాన్ని ఈ.ఎం.ఐల రూపంలో చెల్లించాల్సి ఉంటుంది.