ఆ తరవాత వచ్చిన ‘బాహుబలి’ సిరీస్ లో శివగామి పాత్రతో రమ్యకృష్ణ మరింత పేరు తెచ్చుకుంది. నెగెటివ్ షేడ్స్ కలిగిన శివగామి గా రమ్యకృష్ణ పాత్రలో జీవించిన తీరుకి విశ్వ వ్యాప్తంగా ప్రశంసలు లభించాయి. ఆ పాత్రకి రమ్యకృష్ణనే కరెక్ట్ అనుకున్నారు సినిమా చూసిన వారంతా. అదలావుంటే మళ్ళీ ఇన్ని రోజుల తరవాత విలనిజంతో కూడిన పవర్ ఫుల్ పాత్రలో రమ్యకృష్ణ కనిపించనుంది.
మెగా మేనల్లుడు చిత్రలహరి, ప్రతిరోజూ పండగే ఫేమ్ సాయితేజ – దేవకట్టా కాంబినేషన్లో రూపొందనున్న కొత్త సినిమాలో రమ్యకృష్ణ వాంప్ తరహా పాత్రను పోషించనుంది. సాయితేజ్ – దేవ కట్టా కాంబినేషన్లో ఓ పొలిటికల్ డ్రామా రెడీ అవుతోంది. కాగా ఈ సినిమాలో నెగెటివ్ షేడ్స్ తో కూడిన పవర్ ఫుల్ రాజకీయ నాయకురాలి పాత్ర కోసం రమ్యకృష్ణను తీసుకున్నారట. నీలాంబరి, శివగామి వంటి పాత్రల్లో దర్శనమిచ్చిన తరువాత రమ్యకృష్ణ చేసిన పాత్రలేవీ ఆ స్థాయిలో ప్రేక్షకులకు కనెక్ట్ కాలేదు. అందువలన సాయితేజ చిత్రం లోని ఈ పాత్ర తన కెరియర్ ను మరింత ముందుకు తీసుకెళుతుందని రమ్యకృష్ణ బలంగా నమ్ముతోందని తెలుస్తోంది.
Negative characters gives positive result
