జానపదం.. మన ప్రాణపదం.. గ్రామాల్లో, మారుమూల పల్లెల్లో ఒకప్పుడు ఈ జానపదమే ప్రజల పదంగా సాగి అందరి నోళ్లలో నానిన ప్రాచీన పాటల పూదోటలు ఇప్పుడు అంతరించిపోతున్నాయి. సినిమాలు, సంగీత దర్శకుల హోరులో కనుమరుగైపోతున్నాయి.
కానీ కొందరు సంగీత దర్వకులు, దర్శకులు ఇంకా అలాంటి వాటిని బయటకు తీసి కాపాడుతున్నారు. ఆ కళాకారులను పైకి లేపుతున్నారు.
రాయలసీమ జానపద రచయిత, గాయకుడు పెంచల్ దాస్ ను దిగ్గజ దర్శకుడు త్రివిక్రమ్ తన సినిమా ‘అరవింద సమేత’లో వాడుకొని పాట కూడా పాడించాడు.
తాజాగా ఈ కళాకారుడిని పవన్ కళ్యాణ్ తో కలిసి త్రివిక్రమ్ సన్మానించాడు. సీమ మండలికాన్ని నేటి తరానికి అందించేందుకు పెంచల్ దాస్ చేస్తున్న కృషి అభినందనీయమని పవన్ అన్నారు.
ఈ సందర్భంగా సీమ మాండలికం, పలు ఆసక్తికర అంశాలను జనసేనాని పవన్ కళ్యాణ్ తాజాగా పెంచల్ దాస్ తో చర్చించారు.
