హీరో నందమూరి బాలకృష్ణ హైదరాబాద్ జూబ్లీ హిల్స్ లోని ప్రముఖులు నివాసం ఉండే ఖరీదైన ప్రాంతంలో ఓ ఖరీదైన ఇంటిని కొన్నారు. మొత్తం అంతస్తు మరియు రెండో అంతస్తుతో కూడిన 9,935 చదరపు అడుగుల విస్తీర్ణంలో ఉన్న ఇల్లును కొన్నట్టు తెలిసింది. దీనికి ఏకంగా సుమారు రూ .15 కోట్లు ఖర్చు చేసినట్లు సమాచారం.
ఈ ఇంటి రిజిస్ట్రేషన్ కోసం బాలయ్య స్వయంగా రిజిస్ట్రేషన్ కార్యాలయానికి వచ్చారని.. రిజిస్ట్రేషన్ రుసుము కింద రూ.82.5 లక్షలు.. మ్యూటేషన్ కోసం 7.5 లక్షలు చెల్లించినట్టు తెలిసింది.. ఈ విషయాన్ని కొన్ని ప్రముఖ జాతీయ మీడియా సంస్థలు బయటపెట్టాయి.
ఈ అమ్మకపు రిజిస్ట్రేషన్ ఫిబ్రవరి 11 న జరిగిందని తెలిపాయి. బాలయ్యకు ఇంటిని అమ్మిన విక్రేతను నాడింపల్లి సత్య శ్రావణిగా గుర్తించారు. జూబ్లీహిల్స్‌లోని రోడ్ నంబర్ 1 వద్ద ఇప్పటికే ఒక ఇంటిని కలిగి ఉన్న బాలయ్యకు ఇది రెండో నివాసం. సినిమాల్లో నటించడంతో పాటు, హిందూపూర్ అసెంబ్లీ నియోజకవర్గానికి టిడిపి ఎమ్మెల్యేగా బాలయ్య ఉన్నారు. ఒక్కో సినిమాకు కోట్లలోనే రెమ్యూనరేషన్ తీసుకుంటున్నారు.
ప్రస్తుతం బోయపాటి శ్రీనివాస్ దర్శకత్వంలో బాలయ్య నటిస్తున్నారు. ఆ తర్వాత తన 107 సినిమాగా‘క్రాక్’ దర్శకుడు గోపీచంద్ మాలినేనికి ఓకే చెప్పాడు.