Health effects of Stress: అనారోగ్యానికి ప్రధాన కారణం మన చుట్టూ ఉండే వాతావరణం.. తీసుకునే వ్యసనాలు.. కల్తీ ఆహారం.. వంటివి అని చెబుతారు. కానీ ఇలాంటి వ్యసనాలు.. కల్తీ ఆహారం తీసుకొని వారి సైతం చిన్న వయసులోనే గుండె జబ్బులు పొందుతున్నారు. అనేకరకాల వ్యాధుల బారిన పడుతున్నారు. వీరికి కారణం ఏమాత్రం వ్యసనాలు కారణం కాదని కేవలం ఒత్తిడి అని కొందరు వైద్యులు తెలుపుతున్నారు. ఒత్తిడితో ఇవన్నీ వ్యాధులు ఎలా వస్తాయి? అన్న సందేహం చాలా మందికి వచ్చే ఉంటుంది. కానీ ప్రస్తుత కాలంలో అనేక జబ్బులకు ఇదే కారణమవుతుంది. అయితే చాలామంది దీనిని పట్టించుకోవడం లేదు. కానీ దీనితో అనారోగ్యం ఎలా ఉంటుందో ఇప్పుడు చూద్దాం..
విద్యార్థులు చదువులోనూ.. ఉద్యోగులు కార్యాలయాల్లోనూ.. గృహిణులు ఇంట్లోనూ.. వ్యాపారులు తమ కార్యకలాపాల్లోనూ.. ప్రతి ఒక్కరికి ఏదోరకంగా ఒత్తిడి ఉండే ఉంటుంది. ఈ ఒత్తిడిని కొందరు సునాయాసంగా జయిస్తారు. మరికొందరు మాత్రం తట్టుకోలేకపోతుంటారు. ఇలా తట్టుకోలేని వారే గుండెజాబ్బులకు.. ఇద్దరు వ్యాధులకు గురవుతూ ఉంటారు. అయితే మిగతా వారిలో ఎందుకు రావడం లేదు? అన్న సందేహం కూడా వస్తుంది. వారు చేసే వ్యాయామం లేదా చేసే పనులు.. వల్ల వారికి ఈ సమస్య ఉండకపోవచ్చు. అంతేకాకుండా ప్రతి విషయాన్ని పెద్దగా హైరానా పడకుండా.. ఇలాంటి టెన్షన్ లేకుండా పూర్తి చేయడమే వారు ఈ అనారోగ్యానికి గురికాకుండా ఉండడానికి కారణం అవుతుంది.
ఉదాహరణకు ప్రతిరోజు ఎన్నో రకాల పనులు ఉంటాయి. కానీ ప్రతి ఒక్క పనిని పూర్తి చేయాలని ఒత్తిడితో కలిగి ఉంటారు. ఇలాంటి ఒత్తిడిని ఏర్పాటు చేసుకోకుండా ఒక రోజులో ఉన్న పనులను మూడు విభాగాలుగా విభజించుకోవాలి. వీటిలో అత్యవసరమైనవి.. అవసరం ఉన్నవి.. అవసరం లేనివి.. ముందుగా అత్యవసరం ఉన్నవి పూర్తి చేసుకోవాలి. తర్వాత అవసరం ఉన్నవి చేయాలి. అవసరం లేనివి సమయం ఉంటే తప్ప వాటి జోలికి వెళ్ళకూడదు. చాలామంది వి అవసరం ఉన్నవి లేనివి.. అన్ని పనులు కలగలిపి చేయడం వల్ల అత్యవసర పనులను దూరం పెడుతున్నారు. ఆ పనులు పూర్తికాక తీవ్ర ఒత్తిడికి గురవుతున్నారు. ఇలా ఒత్తిడికి గురైన వారు తొందరగా జబ్బుల బారిన పడుతున్నారు.
ఈ ఒత్తిడి తగ్గించుకోవాలని కొందరు మద్యపానం, ధూమపానం వంటివి అలవాటు చేసుకుంటున్నారు. ఈ అలవాటు వ్యసనంగా మారి మరోరకంగా అనారోగ్యానికి గురవుతుంటారు. అయితే సాధారణంగా తీవ్ర ఒత్తిడి కలిగిన వారిలో నాడీ వ్యవస్థ దెబ్బతీసి దీర్ఘకాలిక వ్యాధులు ఏర్పడే అవకాశం ఉంటుంది. తీవ్ర ఒత్తిడితో కలిగి ఉన్నవారు ఏకాగ్రతను కోల్పోతారు. ఏ పని పూర్తి చేయడానికి మనసు ఒప్పదు. జ్ఞాపక శక్తి తగ్గుతుంది. నిర్ణయం తీసుకోవడంలో తడపడతారు. ఇవన్నీ కలిపి గుండెపై ప్రభావం చూపిస్తాయి. ఫలితంగా గుండె జబ్బులు వంటి అవకాశాలు వస్తాయి. వీటికి తోడు స్మోకింగ్, డ్రింకింగ్ అలవాటు ఉన్నవారికి అదనంగా అనేక దీర్ఘకాలిక వ్యాధులు వచ్చే అవకాశాలు ఉంటాయి.
అయితే వీటిని తగ్గించుకునే ప్రయత్నం చేయాలి. ప్రతిరోజు గంట లేదా రెండు గంటల పాటు వ్యాయామం చేయాలి. ఇంట్లో వాళ్లతో మాట్లాడాలి. వారానికి ఒకసారి స్నేహితులను కలవాలి. విహారయాత్రలకు వెళ్లి రావాలి. ఇలాంటి పనులు చేయడం వల్ల ఒత్తిడి నుంచి ఉపశమనం పొందవచ్చు. అంతేకానీ స్మోకింగ్, డ్రింకింగ్కు దూరంగా ఉండే ప్రయత్నం చేయాలి.
