E-bike vs Electric vehicle: పర్యావరణ కాలుష్యం సమతుల్యం చేయడానికి.. పెట్రోల్ ధరల భారం నుంచి తప్పించుకోవడానికి.. ఎలక్ట్రిక్ వాహనాలు అందుబాటులోకి వస్తున్నాయి. ఇటీవల ఈ బైక్ పేర్లు కూడా వినిపిస్తున్నాయి. ఈ బైక్, ఎలక్ట్రిక్ వాహనాలు రెండు కూడాను విద్యుత్ తో నడిచే వాహనాలే. కానీ ఈ రెండిటిలో చాలా తేడాలు ఉన్నాయి. అంతేకాకుండా ఇటీవల అమెరికాలోని కాలిఫోర్నియాలో ఈ బైక్ ల వాడకం పెరిగిపోతుంది. అయితే కొందరు ఎలక్ట్రానిక్ ద్విచక్ర వాహనాలను ఈ బైక్ గా పరిగణిస్తూ విక్రయిస్తున్నారు. దీనిపై అక్కడి ప్రభుత్వం కొత్త చట్టం ప్రవేశపెట్టింది. అసలు ఈ బైక్, ఎలక్ట్రానిక్ మోటార్ సైకిల్ ల మధ్య ఉన్న తేడా ఏంటి? కాలిఫోర్నియాలో ఈ చట్టం తీసుకురావడానికి కారణం ఏంటి?
అమెరికాలోని సేనేటర్ క్యాథరిన్ బ్లాక్ స్పియర్ కొత్తగా SB 1167 అనే బిల్ ను ప్రవేశపెట్టారు. దీని ప్రకారం ఎలక్ట్రానిక్ ద్విచక్ర వాహనాలను.. ఈ బైక్ లుగా పరిగణించవద్దు. ఇలా తప్పుడు మార్కెట్ చేయడం వల్ల వినియోగదారులు వీటిని ఈ బైక్ ల వలె పరిగణించి ప్రమాదాలకు గురవుతుంటారు. అంతేకాకుండా ఈ బైక్ లకు ఇలాంటి రిజిస్ట్రేషన్, లైసెన్స్ అవసరం లేదు. కానీ ఎలక్ట్రానిక్ ద్విచక్ర వాహనాలకు తప్పనిసరిగా లైసెన్స్, రిజిస్ట్రేషన్ అవసరం ఉంటాయి. వీటిని తప్పించుకోవడానికి కొన్ని కంపెనీలు ప్రచారం చేస్తున్నారని ఈ చట్టం తీసుకువచ్చింది.
అసలు ఈ బైక్, ఎలక్ట్రానిక్ ద్విచక్ర వాహనాలకు కొన్ని తేడాలు ఉంటాయి. ముఖ్యంగా వాటి బ్యాటరీ సామర్థ్యం తో పాటు వేగంలో కూడా మార్పులు ఉంటాయి. ఈ బైక్ లలో 750 వాట్స్ వరకు మోటార్ పరిమితంగా ఉంటుంది. ఇందులో క్లాస్ 1( 20 mph పెడల్ అసిస్ట్), క్లాస్ 2 ( 20 mph థ్రాటిల్) , క్లాస్ 3 (28 mph పెడల్ అసిస్ట్) వరకు వేగం ఉంటుంది. అదే మోటార్ సైకిల్ అయితే ₹750 వాట్స్ కంటే ఎక్కువగా బ్యాటరీ సామర్థ్యం ఉంటుంది. వీటివేగం 30 ప్లస్ mph వేగంతో వెళ్తాయి. వీటిని ఎలక్ట్రిక్ మోటార్ సైకిల్ గా భావిస్తారు. అయితే అమెరికా తీసుకొచ్చిన కొత్త చట్టం ప్రకారం ఈ బైక్ లు.. ప్రత్యేకంగా విక్రయాలు జరిగే పరిధిని దాటకుండా పరిమితి వేగంతో వెళ్తాయి. ఎలక్ట్రిక్ వాహనాలు ప్రత్యేకంగా గుర్తించబడి వీటికి లైసెన్స్, రిజిస్ట్రేషన్ తప్పనిసరిగా మారుతుంది. ఒకవేళ ఈ చట్టాలను ఉల్లంఘిస్తే క్రిమినల్ కేసులు దాఖలు చేయవచ్చు. కన్జ్యూమర్ లీగల్ రెమిడీస్ యాక్ట్ ప్రకారం మోసపూరిత అమ్మకాలుగా గుర్తిస్తారు.
