Money Plant Vastu: ప్రస్తుత కాలంలో అందరిని వేధిస్తున్న సమస్య డబ్బు. ఆర్థిక ఇబ్బందులు కలవరపెడుతున్నాయి. ఎంత సంపాదించినా ఇంట్లో డబ్బు నిలవడం లేదని విచారిస్తున్నారు. సంపాదించినది అంతా ఖర్చులకే సరిపోతుంది. ఇక పొదుపు ఎలా చేయాలి? ఎలా డబ్బు కూడబెట్టాలి? అని బాధడుతున్నారు. ఇలా జరగడానికి కారణాలేంటి? ఎందుకు ఇలా జరుగుతుంది? తమ ఆర్థిక ఇబ్బందులు ఇక తీరవా? అని ఆలోచిస్తున్నారు. ధరల పెరుగుదల వల్ల మనం నెలకు రూ. 20 వేలు సంపాదించినా సరిపోవడం లేదు. ఈ నేపథ్యంలో డబ్బు కష్టాలు తొలగాలంటే ఏం చేయాలి? అని కుమిలిపోతున్నారు.
వీటికి కారణం వాస్తు దోషాలేమో అని ఇంటిని కూడా పరిశీలిస్తున్నారు. ఏదైనా సవ్యంగా లేకపోతే మనకు కలిసి రాదని నమ్ముతుంటారు. ఇలా వారి జీవితంలో ఎదురయ్యే ఆర్థిక ఇబ్బందులపై సగటు మానవుడు చేసే ఆలోచన. దీంతో మనకు ఆర్థిక ఇబ్బందుల నుంచి బయట పడేసే మొక్క ఒకటి ఉంది. ఇది ఇంట్లో ఉంటే మన కష్టాలు దూరం. డబ్బు కూడా బాగా వస్తుందని వాస్తు పండితులు చెబుతుంటారు. దీంతో ఈ మొక్కను తెచ్చుకుని ఇంట్లో నాటితే అంతా మంచే జరుగుతుందని సూచిస్తున్నారు.
అదేంటో తెలుసా మనీప్లాంట్. పేరులోనే డబ్బును పెట్టుకున్న మొక్క కావడంతో ఇంట్లో పెంచుకోవడానికి అందరు ఇష్టపడుతున్నారు. అయితే ఏ దిక్కులో దీన్ని నాటాలి? ఇక్కడ కూడా వాస్తు పాటించాల్సిందే. వినాయకుడికి కలిసొచ్చే దిక్కు ఆగ్నేయం. అందుకే ఆగ్నేయ దిశలో ఈ మొక్కను నాటితే వాస్తు దోషాలు పటాపంచలై మనకు బాగా కలిసొస్తుందని నమ్మకం.
అందరు తమ ఇళ్లల్లో మనీప్లాంట్ ను పెంచుకునేందుకు ఇష్టపడుతున్నారు. ఇది నేలను తాకకూడదు. పైకి ఎదగాలి. అది ఎలా పైకి పెరుగుతుంటే మనకు డబ్బు కూడా అలా వస్తుందని చెబుతారు. దీంతో మనీ ప్లాంట్ మొక్కను ప్రతి ఒక్కరు తమ ఇంట్లో పెంచుకునేందుకు తాపత్రయపడుతున్నారు. వాస్తు దోషాలతో పాటు ఆర్థిక ఇబ్బందులను తీర్చే మనీప్లాంట్ మొక్కను ప్రతి ఒక్కరు పెంచుకుని తమ ఇబ్బందులను తీర్చుకోవాలని చూస్తున్నారు.
