Copper Sun Vastu Benefits
Copper Sun Vastu Benefits: మనం వాస్తు నమ్ముతాం. ఇంట్లో సన్ని సవ్యంగా ఉంటేనే మనకు ఇంట్లో శుభాలు కలుగుతాయని అనుకుంటాం. ఏది సరిగా లేకపోయినా ప్రతికూల ప్రభావాలు వస్తాయి. ఈ నేపథ్యంలో మన ఇంటికి పక్కా వాస్తు ఉండాలంటే రాగి సూర్యుడి బొమ్మ ఉంచుకుంటే కూడా వాస్తు ప్రకారం మంచిదని చెబుతారు. రాగి సూర్యుడి బొమ్మ ఇంటి ద్వారానికి కట్టుకోవడం ద్వారా మంచి ఫలితాలు వస్తాయి.
రాగి సూర్యుడి బొమ్మ ఎటు వైపు కట్టుకోవాలి
రాగి సూర్యుడి బొమ్మ ఏ దిశగా కట్టుకుంటే మంచిది. ఇల్లు లేదా ఆఫీసు ఇతర ప్రదేశాల్లో సూర్యుడి బొమ్మ ఇంటి ముందు ఉండటం వల్ల ఇంటికి సానుకూల ఫలితాలు వస్తాయి. సూర్యుడి బొమ్మ తూర్పు వైపు గోడకు ఉంచుకోవాలి. లేదా దర్వాజా పక్కన కట్టుకోవాలి. ఇలా చేయడం వల్ల సూర్యుడి ప్రభావం మన ఇంటిపై పడుతుంది. దీంతో ఇంట్లో పురోగతి కలుగుతుంది.
రామాయణంలో..
రామాయణంలో రాముడు సూర్యుడిని ఆరాధించి ఆదిత్య హృదయం స్తోత్రాన్ని చదివి రావణుడిని సంహరిస్తాడు. ధర్మరాజు సూర్యానుగ్రహంతో అక్షయపాత్ర సాధిస్తాడు. సత్రజిత్తు శమంతకమణిని సొంతం చేసుకుంటాడు. ఇలా సూర్యడి వల్ల ఎన్నో విజయాలు పొందారు. సూర్యుడి ప్రభావం వల్ల ఎందరికో విజయాలు సాధించాడు. ఇతిహాసాలలో సూర్యుడి వల్ల ఎందరి జీవితాలో మారిపోయాయి.
అభీష్టాలు తీరుతాయి
సూర్యుడిని నిష్టగా ఆరాధిస్తే సర్వాభీష్టాలు సిద్ధిస్తాయి. ఆరు రుతువులు, ఏడు అశ్వాలు, ఏడు కిరణాలతో మన ఆరోగ్యం సిద్ధిస్తుంది. ఆరోగ్యం భాస్కరా దిచ్ఛేత్ అనే లోకోక్తి. సూర్య కిరణాలు పడకపోయినా సూర్యుడి ద్వారా సగానికి సగం ఫలితాలు పొందుతారంటారు. ఇలా సూర్యుడి వల్ల మనకు లాభాలున్నందు వల్ల సూర్యడి రాగి బొమ్మ ఇంట్లో ఉంచుకుంటే చాలా మంచి ఫలితాలు వస్తాయి.