తెలుగు సినీ పరిశ్రమలో కలకలం రేపిన మాదకద్రవ్యాల కేసులో ఈడీ విచారణ వేగవంతం చేసింది. శుక్రవారం ఉదయం నుంచి దాదాపు 6 గంటల పాటు ప్రముఖ నటి రకుల్ ప్రీత్ సింగ్ ను ఈడీ అధికారులు ప్రశ్నించారు. రకుల్ బ్యాంకు ఖాతాలను పరిశీలించిన అధికారులు లావాదేవీలపై ప్రశ్నించినట్లు సమాచారం. డ్రగ్స్ కేసులో ప్రధాన నిందితుడు కెల్విన్ ఇచ్చిన సమాచారం ఆధారంగా ఈడీ దర్యాప్తు కొనసాగుతోంది.
