రాష్ట్ర ప్రభుత్వం ఫోన్ ట్యాపింగ్ కు పాల్పడుతోందని బీజేపీ ఎమ్మెల్యే రాజాసింగ్ ఆరోపించారు. ఎమ్మెల్యేలు, మంత్రులందరి ఫోన్ కాల్స్ తో పాటు వాట్సాప్ ను ట్యాపింగ్ చేస్తోందని అన్నారు. మంత్రి హరీశ్ రావు వాట్సాప్ చాటింగ్ కూడా ట్యాపింగ్ కు గురైందని ఆ విషయం ఆయనకు కూడా తెలుసని చెప్పారు. బీజేపీ రాష్ట్ర కార్యాలయంలో మీడియాతో మాట్లాడిన రాజాసింగ్.. బండి సంజయ్ పాదయాత్రతో మిగతా పార్టీల్లో భయం పట్టుకుందని తెలిపారు.
