Salman Khan : మన దేశంలో బిగ్గెస్ట్ సూపర్ స్టార్స్ లో ఒకరు సల్మాన్ ఖాన్. టాక్ తో సంబంధం లేకుండా ఓపెనింగ్స్, ఫుల్ రన్ రికార్డ్స్ ని రాబట్టగల సూపర్ స్టార్. అయితే గత కొంతకాలం నుండి ఈయన వరుస డిజాస్టర్ ఫ్లాప్స్ తో ఇబ్బంది పడుతున్న సంగతి తెలిసిందే. కరోనా లాక్ డౌన్ కి ముందు రెండు దశాబ్దాల వరకు సల్మాన్ ఖాన్ బాలీవుడ్ కి కింగ్ లాగా దూసుకుపోయారు. లాక్ డౌన్ తర్వాత ఆయన హవా మొత్తం తగ్గిపోయింది. ఇకపోతే ప్రస్తుతం ఆయన దిల్ రాజు నిర్మాణంలో , వంశీ పైడిపల్లి దర్శకత్వం లో తెరకెక్కుతున్న సినిమాలో హీరో గా నటిస్తున్నారు. నయనతార హీరోయిన్ గా నటిస్తున్న ఈ సినిమా షూటింగ్ రీసెంట్ గానే మొదలైంది. ఇదంతా పక్కన పెడితే సల్మాన్ ఖాన్ కి సంబంధించిన లేటెస్ట్ ఫోటో ఒకటి ఇప్పుడు సోషల్ మీడియాలో లీకై బాగా వైరల్ అయ్యింది.
ఈ వీడియో లో సల్మాన్ లుక్ ని చూసి ఆయన అభిమానులు తీవ్రమైన ఆందోళనకు గురవుతున్నారు. బాలీవుడ్ కండలవీరుడిగా బ్రాండ్ ఇమేజ్ సంపాదించుకున్న సల్మాన్ ఖాన్ , అకస్మాత్తుగా ఇలా అయిపోయారేంటి ?, ఆయనకు అసలు ఏమైంది అంటూ అభిమానులు బాధపడుతున్నారు. ఆరోగ్య సమస్యలు ఏమైనా ఉన్నాయా?, ఇంతకు ముందుతో పోలిస్తే ఆయన చాలా సన్నబడ్డాడు, కచ్చితంగా ఎదో తేడా జరిగింది అంటూ ఆయన అభిమానులు ఆవేదన వ్యక్తం చేస్తున్నారు. సోషల్ మీడియా లో సంచలనం రేపుతున్న ఈ వీడియో ని మీకోసం చివర్లో అందిస్తున్నాము చూడండి. అయితే ఇక్కడ ఒక విషయం గ్రహించాలి. సల్మాన్ ఖాన్ వయస్సు చిన్నది ఏమి కాదు, 60 ఏళ్ళ వచ్చాయి. ఇంత వయస్సు వచ్చిన తర్వాత లుక్స్ లో మార్పులు రావడం సహజమే. వెండితెర పై మనకు ఆయన యంగ్ లుక్ లోనే కనిపించొచ్చు.
కానీ ఆఫ్ స్క్రీన్ లో ఎలాంటి మేకప్ లేకుండా కనిపిస్తే ఇలాగే ఉంటారు. అంతే కాదు , ఆయన బాగా చిక్కిపోయారని అనుకుంటున్నారు, కానీ అలాంటిదేమి లేదు , కేవలం ఆయన ధరించిన దుస్తుల కారణంగా అలాంటి అప్పీల్ వచ్చిందంతే. ఒక్క నెల రోజులు లాగండి , బిగ్ బాస్ హోస్ట్ గా , సరికొత్త స్టైలిష్ లుక్ తో మన ముందుకొస్తారు అంటూ సోషల్ మీడియా లో కొంతమంది కామెంట్స్ చేస్తున్నారు. ఇకపోతే ప్రస్తుతం సల్మాన్ ఖాన్ వంశీ పైడిపల్లి సినిమాతో పాటుగా, తుఫాన్ డైరెక్టర్ అపూర్వ లఖియా తో కలిసి ‘బ్యాటిల్ ఆఫ్ గుళ్వాన్’ అనే చిత్రం లో నటిస్తున్నారు. తెలుగు లో మాతృభూమి పేరుతో విడుదల కాబోతున్న ఈ చిత్రం ఈ ఏడాది లోనే విడుదల కానుంది.
