Rohit Sharma Viral Video : ధోని తర్వాత టీమిండియాలో అంతటి ప్రభావాన్ని చూపించిన నాయకుడు రోహిత్ శర్మ.. టీమ్ ఇండియాకు టి20 వరల్డ్ కప్ అందించాడు. వన్డే వరల్డ్ కప్ లో ఫైనల్ దాకా తీసుకెళ్లాడు. వరల్డ్ టెస్ట్ ఛాంపియన్ ఫైనల్స్ దాకా టీమ్ ఇండియాను తీసుకెళ్లాడు. భారత జట్టుకు చాంపియన్ ట్రోఫీ అందించాడు. రోహిత్ శర్మ ఎలాంటి ఫార్మాట్లోనైనా అద్భుతంగా ఆడగలడు. అందువల్లే అతడిని ప్రమాదకర ఆటగాడు అని పిలుస్తారు.
టీమిండియా టి20 వరల్డ్ కప్ సాధించిన తర్వాత ఆ ఫార్మాట్ నుంచి రోహిత్ తప్పుకున్నాడు. మేనేజ్మెంట్ తీసుకొచ్చిన ఒత్తిడి.. గౌతమ్ గంభీర్ నుంచి వచ్చిన ఒత్తిడి.. వల్ల అతడు సుదీర్ఘ ఫార్మాట్ నుంచి తప్పుకున్నాడు. ఎవరు అంచనా వేయకుండానే.. ఎటువంటి సంకేతాలు ఇవ్వకుండానే అతడు జట్టు నుంచి తప్పుకున్నాడు. రోహిత్ టెస్ట్ జట్టు నుంచి తప్పుకోవడం చాలామంది అభిమానులకు రుచించలేదు. చాలామంది అభిమానులు తమ ఆవేదనను సోషల్ మీడియాలో బహిరంగంగానే వ్యక్తం చేశారు. ముఖ్యంగా గౌతమ్ గంభీర్ ను ఉద్దేశించి తీవ్రస్థాయిలో విమర్శలు చేశారు. ఇప్పటికీ గౌతమ్ గంభీర్ ను రోహిత్ అభిమానులు ఏమాత్రం సహించడం లేదు. అతడు కనిపిస్తే చాలు తీవ్రస్థాయిలో నిరసన వ్యక్తం చేస్తున్నారు.
గౌతమ్ గంభీర్ ఎందుకు రోహిత్ ను పక్కన పెట్టాడు.. జట్టు నుంచి ఎందుకు వెళ్లిపోయేలా చేశాడు.. అనే ప్రశ్నలకు ఇప్పటికీ సమాధానం లేదు.. తను వెళ్లిపోవడానికి అధికారికంగా గౌతమ్ గంభీర్ కారణమని ఇంతవరకు రోహిత్ చెప్పలేదు. అయితే పెద్దల విషయంలో.. తనకు కోచింగ్ ఇచ్చిన వారి విషయంలో రోహిత్ ఎంతో మర్యాదగా ఉంటాడు. ఆ మధ్య తన పేరు మీద ముంబై మైదానంలో స్టాండ్ ఏర్పాటు చేసినప్పుడు.. తనకు శిక్షణ ఇచ్చిన వారిని అభినందించాడు. ఆ సమావేశంలో వారందరిని తలుచుకున్నాడు. ఇప్పుడు జరుగుతున్న ముంబై t20 లీగ్ లో కూడా రోహిత్ తన శిక్షణ ఇచ్చిన చిన్ననాటి కోచ్ ను ప్రేమను చూపించాడు. అంతేకాదు అతని పాదాల మీద పడి నమస్కరించాడు.
రోహిత్ శర్మకు కు చిన్నతనంలో దినేష్ ల్యాడ్ అనే వ్యక్తి శిక్షణ ఇచ్చాడు. అతడి నేతృత్వంలో రోహిత్ రాటు తేలాడు. అతడు అద్భుతంగా బ్యాటింగ్ చేయడంలో దినేష్ పాత్ర కచ్చితంగా ఉంటుంది. ఇదే విషయాన్ని అనేక సందర్భాలలో రోహిత్ బయటపెట్టాడు. తాజాగా ముంబై t20 లీగ్ చూసేందుకు రోహిత్ వాంఖడే స్టేడియానికి వెళ్ళాడు. స్టేడియం వెళ్తుండగా దినేష్ తన సతీమణితో కనిపించాడు. ఆయనను చూసిన రోహిత్ వెంటనే కాళ్ళ మీద పడి నమస్కరించాడు. అతడిని చూసి ఆనంద పరవశుడయ్యాడు. తన దగ్గర శిక్షణ పొందిన రోహిత్ ఈ స్థాయిలో ఎదగడం పట్ల దినేష్ హర్షం వ్యక్తం చేశాడు.
A touching moment at Wankhede Stadium has won hearts online. Before entering the stadium, Indian cricket star Rohit Sharma noticed his childhood coach Dinesh Lad and his wife and immediately walked over to greet them.
Despite being in a hurry, Rohit took a moment to meet the… pic.twitter.com/XF7pbEmcXH
— Pune Mirror (@ThePuneMirror) June 8, 2026
