Pawan Kalyan Telangana plan : ఏపీ డిప్యూటీ సీఎం పవన్ కళ్యాణ్ కు కెలికితే మామూలుగా ఉండదు. ముఖ్యంగా వైయస్సార్ కాంగ్రెస్ పార్టీకి ఆ విషయం తెలుసు. ఆది నుంచి పవన్ కళ్యాణ్ విషయంలో ఆ పార్టీ కొంచెం అతిగా ప్రవర్తించింది. లెక్కలేని తనాన్ని చూపింది. దానికి మూల్యం చెల్లించుకుంది. అయితే నిండా మునిగాక.. చలి ఎందుకు అన్న మాదిరిగా వైయస్సార్ కాంగ్రెస్ పార్టీ పవన్ కళ్యాణ్ ను శాశ్వత శత్రువు అన్నట్టు చూస్తోంది. మరోవైపు తెలంగాణలో జనసేన పెద్దగా రాజకీయాలు చేయడం లేదు. కానీ ఆ పార్టీకి పెద్ద ఎత్తున అభిమానులు ఉన్నారు. సోషల్ మీడియా వరకు యాక్టివ్ గా పని చేస్తూ వస్తున్నారు. కానీ పవన్ పై రాజకీయ కుట్రలు జరుగుతున్న తరుణంలో తెలంగాణలో సైతం జనసేన ను విస్తరించాలన్న ఆలోచనకు పవన్ వచ్చినట్లు తెలుస్తోంది. అందులో భాగంగా రేపు పార్టీ విస్తృతస్థాయి సమావేశం నిర్వహిస్తున్నట్లు ప్రచారం జరుగుతోంది. తెలంగాణలో జనసేన కీలక నేతలకు ఇప్పటికే సమాచారం అందించారు. ఆ సమావేశానికి సంబంధించిన ఏర్పాట్లు కూడా చురుగ్గా జరుగుతున్నాయి.
* తెలంగాణ సమాజంలో మంచి అభిప్రాయం..
తెలంగాణ విషయంలో జనసేన అధినేత పవన్ కళ్యాణ్ పెద్దగా దృష్టి సారించిన దాఖలాలు లేవు. తెలంగాణ ప్రజలు సైతం పవన్ కళ్యాణ్ విషయంలో చాలా సాఫ్ట్ గా ఉంటారు. రాష్ట్ర విభజన సమయంలో సైతం ఇక్కడి వారి భావోద్వేగాన్ని గుర్తించారు పవన్ కళ్యాణ్. వాటిని గౌరవించారే తప్ప ఎన్నడు వ్యతిరేకించలేదు. తెలంగాణ కళాకారులను గౌరవించారు. గద్దర్ లాంటి వారిని ఎంతగానో గౌరవించి సొంత అన్నదమ్ముడు మాదిరిగా చూసుకున్నారు. విపత్తుల సమయంలో తెలంగాణ ప్రభుత్వానికి భారీ స్థాయిలో నిధులు కూడా ఇచ్చారు. ప్రాంతీయవాదంతో లెక్క లేకుండా తెలంగాణ సమాజానికి ఎంతో సాయం చేశారు పవన్ కళ్యాణ్. అందుకే తెలంగాణ ప్రజలు పవన్ విషయంలో మరో ఆలోచన చేయరు. కానీ అదే తెలంగాణ నుంచి తనపై కుట్రలు జరుగుతుండడంతో.. గట్టిగానే రిప్లై ఇవ్వాలనుకుంటున్నారు పవన్ కళ్యాణ్. ఇలా కుట్రలు చేస్తున్న వారిని రాజకీయంగా ఇబ్బంది పెట్టాలంటే పార్టీని యాక్టివ్ చేయడమే ఉత్తమం అన్న నిర్ణయానికి వచ్చినట్లు తెలుస్తోంది.
* పార్టీ శ్రేణుల యాక్టివ్..
ప్రొఫెసర్ నాగేశ్వర్ ఎపిసోడ్ తర్వాత తెలంగాణలో జనసేన నేతలు క్రియాశీలకం అయ్యారు. చాలా దూకుడుతో వ్యవహరిస్తున్నారు. తెలంగాణ సమాజానికి పవన్ కళ్యాణ్ ఎలా సాయం చేశారో ఆధారాలతో సహా వివరించే ప్రయత్నం చేస్తున్నారు. అంతటితో ఆగకుండా రేపు జనసేన ముఖ్య నేతలతో పవన్ కళ్యాణ్ భేటీ కానున్నారు. ప్రస్తుత రాజకీయ పరిస్థితులపై వారితో చర్చించనున్నారు. తెలంగాణలో పార్టీ అభివృద్ధిపై పూర్తి దృష్టి కేంద్రీకరించనున్నారు. ఈ నెలలోనే భారీ బహిరంగ సభ నిర్వహించేందుకు కూడా నిర్ణయించారు. గ్రేటర్ హైదరాబాద్ తో పాటు వరంగల్, ఖమ్మం కార్పొరేషన్లకు ఎన్నికలు జరగనున్నాయి. ఇదే ఊపు కొనసాగించి కార్పొరేషన్ ఎన్నికల్లో సత్తా చాటాలని భావిస్తున్నారు పవన్. వాటిలో గౌరవప్రదమైన సీట్లు దక్కించుకొని.. తెలంగాణ రాజకీయాల్లో మరింత యాక్టివ్ కావాలని భావిస్తున్నారు. చూడాలి ఆయన ప్రయత్నాలు ఎంత వరకు వర్క్ అవుట్ అవుతాయో..
