Obsession Hollywood movie box office : కొన్ని చిన్న సినిమాలు ఎవ్వరూ ఊహించనంత అద్భుతాలను బాక్స్ ఆఫీస్ వద్ద సృష్టిస్తుంటాయి. వందల కోట్ల రూపాయిల ఖర్చు చేసిన తీసిన సినిమాలు కూడా బాక్స్ ఆఫీస్ వద్ద ఆశించిన స్థాయి ఫలితాలను నమోదు చేసుకోలేకపోతున్న రోజులివి. అలాంటిది కేవలం 2 నుండి 9 కోట్ల రూపాయిల బడ్జెట్ తో తెరకెక్కిన ఒక చిన్న హాలీవుడ్ చిత్రం , ఏకంగా 2500 కోట్ల రూపాయిల గ్రాస్ వసూళ్లను రాబట్టింది అంటే ఆశ్చర్యం వెయ్యక తప్పదు. ఆ సినిమా పేరు ‘అబ్సెషన్’. తెలుగు లో దీని అర్థం పిచ్చి , మోజు , అమిత ప్రేమ వంటివి వస్తాయి. ఒక వ్యక్తిని లేదా వస్తువుని పిచ్చిగా ఇష్టపడడమే దీని అర్థం. ఈ చిత్రానికి వరల్డ్ వైడ్ గా 244 మిలియన్ డాలర్ల గ్రాస్ వసూళ్లు వచ్చాయి. ఒక్క ఇండియా నుండే ఈ చిత్రానికి 73 కోట్ల రూపాయలకు పైగా గ్రాస్ వసూళ్లు వచ్చాయి.
అందులో మన తెలుగు రాష్ట్రాల విషయానికి వస్తే , ఆంధ్ర ప్రదేశ్ నుండి ఇప్పటి వరకు ఈ చిత్రానికి 1 కోటి 60 లక్షల రూపాయిల గ్రాస్ వసూళ్లు నమోదు అవ్వగా, తెలంగాణ ప్రాంతం నుండి 8 కోట్ల రూపాయలకు పైగా గ్రాస్ వసూళ్లు నమోదు అయ్యాయి. కేవలం తెలుగు రాష్ట్రాల నుండే ఈ చిత్రానికి 9 కోట్ల 60 లక్షల రూపాయిల గ్రాస్ వసూళ్లు వచ్చాయి. అదే విధంగా కర్ణాటక రాష్ట్రంలో 14 కోట్ల 41 లక్షలు, తమిళనాడు నుండి 7 కోట్ల 56 లక్షలు , కేరళ నుండి 3 కోట్ల 18 లక్షల రూపాయిల గ్రాస్ వసూళ్లు ఈ చిత్రానికి నమోదు అయ్యాయి. అలా కేవలం సౌత్ ఇండియా నుండే ఈ చిత్రానికి 34 కోట్ల 75 లక్షల రూపాయిల గ్రాస్ వసూళ్లు నమోదు అయ్యాయి. ఇక నార్త్ ఇండియా విషయానికి వస్తే ఢిల్లీ నుండి 9 కోట్ల 90 లక్షల రూపాయిలు , ఉత్తర ప్రదేశ్ నుండి 1 కోటి 34 లక్షల రూపాయిల గ్రాస్ ని రాబట్టింది.
అదే విధంగా పంజాబ్ నుండి 1 కోటి 55 లక్షలు , ఉత్తర్ ఖండ్ నుండి 47 లక్షలు , హర్యానా నుండి 23 లక్షలు , రాజస్థాన్ నుండి 1 కోటి 16 లక్షలు , గుజరాత్ నుండి 2 కోట్ల 43 లక్షలు , మహారాష్ట్ర నుండి 15 కోట్ల 30 లక్షలు , గోవా నుండి 55 లక్షలు, మధ్య ప్రదేశ్ నుండి 1 కోటి 16 లక్షలు , ఛత్తీస్ ఘర్ నుండి 52 లక్షలు , వెస్ట్ బెంగాల్ నుండి 1 కోటి 82 లక్షలు , బీహార్ + ఝార్ఖండ్ నుండి 58 లక్షలు , ఒడిశా నుండి 75 లక్షలు , అస్సాం నుండి 46 లక్షలు , మిగిలిన రాష్ట్రాల నుండి 39 లక్షల రూపాయిల గ్రాస్ వసూళ్లు నమోదు అయ్యాయి. ఓవరాల్ గా 9 కోట్ల రూపాయిల బడ్జెట్ తో తీసిన ఈ చిత్రం గ్లోబల్ వైడ్ గా 2500 కోట్ల రూపాయిల గ్రాస్ ని కొల్లగొట్టింది.
