ఐసీసీ టెస్ట్ ర్యాంకింగ్స్ లో టీమ్ ఇండియా ఆల్ రౌండర్ స్టార్ రవీంద్ర జడేజా రెండో స్థానానికి దూసుకెళ్లాడు. ఇంగ్లాండ్ ఆల్ రౌండర్ బెన్ స్టోక్స్ ను వెనక్కి నెట్టి జడ్డూ రెండో ర్యాంకు సాధించాడు. టెస్టు ఆల్ రౌండర్ల జాబితాలో వెస్టిండీస్ క్రికెటర్ జేసన్ హోల్డర్ 423 పాయింట్లతో అగ్రస్థానంలో కొనసాగుతున్నాడు. టెస్టు బౌలర్ల జాబితాలో రవిచంద్రన్ అశ్విన్ సెకండ్ ర్యాంకు నిలబెట్టుకున్నాడు. టెస్టు బ్యాటింగ్ ర్యాంకింగ్స్ లో ముగ్గురు భారత ఆటగాళ్లు చోటు దక్కించుకున్నారు. విరాట్ కోహ్లీ, రిషబ్ పంత్, రోహిత్ శర్మ వరుసగా 5,6,7 ర్యాంకుల్లో కొనసాగుతున్నారు.