dog attack on child : భువనగిరిలో జరిగిన ఈ ఘటన మనసును కలచివేసే విధంగా ఉంది. అమాయకంగా ఆడుకుంటున్న మూడు సంవత్సరాల చిన్నారి ప్రియాంష్పై వీధి కుక్కలు దాడి చేయడం ఎంతటి దుర్ఘటనో మాటల్లో చెప్పలేం. కళ్ల ముందు బిడ్డను ఇలా రక్తపాతం అవుతున్న స్థితిలో చూసిన తల్లిదండ్రుల పరిస్థితి ఎలా ఉండి ఉంటుంది అనేది ఊహించడమే కష్టం.
తారకరామ నగర్లో జరిగిన ఈ సంఘటన ఒక్క కుటుంబానికే కాదు, మొత్తం ప్రాంతానికే భయాందోళన కలిగించింది. చిన్నారి కన్ను గుడ్డు ఊడిపడేంతగా కుక్కలు దాడి చేయడం, అతను నొప్పితో విలవిలలాడుతూ ఆస్పత్రికి తరలించబడటం ప్రతి ఒక్కరినీ కలిచివేస్తోంది. ప్రాణం కోసం పోరాడుతున్న చిన్నారి పరిస్థితి చూస్తే ఎవరికైనా కంటతడి ఆగదు.
ఈ ఘటనతో స్థానిక ప్రజల్లో తీవ్ర ఆగ్రహం వ్యక్తమైంది. ప్రభుత్వ ఆసుపత్రి వద్ద వారు చేసిన నిరసన, రాస్తారోకో ద్వారా తమ బాధను, ఆవేదనను బయటపెట్టారు. “మా పిల్లల ప్రాణాలకు భరోసా ఎక్కడ?” అనే ప్రశ్నతో వారు అధికారులను నిలదీశారు. వీధి కుక్కల సమస్య రోజురోజుకూ పెరుగుతున్నా, తగిన చర్యలు తీసుకోకపోవడంపై ప్రజలు తీవ్ర అసంతృప్తి వ్యక్తం చేస్తున్నారు.
పిల్లలు బయటకు వెళ్లాలంటే తల్లిదండ్రులు భయపడాల్సిన పరిస్థితి రావడం ఎంత దురదృష్టకరం! ఆటల కోసం బయటకు వెళ్లిన చిన్నారులు తిరిగి సురక్షితంగా ఇంటికి వస్తారా అనే అనుమానం ప్రతి కుటుంబాన్ని వెంటాడుతోంది. ఈ సంఘటన ఒక్కటే కాదు, ఇటీవలి కాలంలో ఇలాంటి ఘటనలు పెరుగుతుండటం మరింత ఆందోళన కలిగిస్తోంది.
ప్రభుత్వం, స్థానిక సంస్థలు వెంటనే స్పందించి వీధి కుక్కల నియంత్రణపై కఠిన చర్యలు తీసుకోవాల్సిన అవసరం ఉంది. ప్రజల ప్రాణాలు, ముఖ్యంగా చిన్నారుల భద్రత అత్యంత ప్రాధాన్యంగా చూడాలి. లేనిపక్షంలో ఇలాంటి హృదయ విదారక ఘటనలు మరింత పెరిగే ప్రమాదం ఉంది.
ప్రియాంష్ త్వరగా కోలుకోవాలని ప్రతి ఒక్కరూ ప్రార్థిస్తున్నారు. కానీ ఈ ఘటన మిగిల్చిన మానసిక గాయం మాత్రం చాలా కాలం మాయం కానిది. కుక్కలను ప్రేమించి.. వారి కోసం బట్టలు చింపుకుంటే మీడియా ముందుకు వచ్చే సెలబ్రెటీలు, మేధావులు ఈ ఘటన చూసాకైనా బుద్ది తెచ్చుకొని కుక్కల పక్షాన నిలవకపోతే మంచిది. లేదంటే ఏదో రోజు మీకు అదే గతి పడితే అప్పుడు ఈ బాధ తెలుస్తుంది. ఇకపై మరొక చిన్నారి ఇలాంటి బాధను అనుభవించకూడదంటే, ఇప్పుడే కఠిన నిర్ణయాలు తీసుకోవాల్సిన సమయం వచ్చింది.
