kid : ఈ ఫొటోలో క్యూట్ గా కనిపిస్తున్న ఈ బుడ్డోడు ఎవరో గుర్తు పట్టారా..?, ఇతను మొదటి సినిమాతోనే టాలీవుడ్ ఇండస్ట్రీ ని షేక్ చేసాడు. యూత్ ఆడియన్స్ లో ఈయనకి మొదటి నుండి మంచి క్రేజ్ ఉండేది. టాలీవుడ్ లో రాజమౌళి, వీవీ వినాయక్, త్రివిక్రమ్ శ్రీనివాస్, పురీ జగన్నాథ్, ఇలా ఒక్కరా ఇద్దరా టాప్ డైరెక్టర్స్ అందరితో కలిసి సినిమాలు చేసిన హీరో ఈయన. మధ్యలో ఈయనకి ఒకటి కాదు, రెండు కాదు, ఏకంగా 14 ఫ్లాప్స్ వచ్చాయి. అయినప్పటికీ కూడా ఎలాంటి ఆత్మవిశ్వాసం కోల్పోకుండా తన టాలెంట్ ని నమ్ముకొని సినిమాలు చేసుకుంటూ వచ్చాడు. ఆ క్రమంలోనే ఒక్క కూల్ హిట్ తో మళ్ళీ బౌన్స్ బ్యాక్ అయ్యాడు. ఆ తర్వాత వరుసగా రెండు మూడు హిట్లు కొట్టి టాలీవుడ్ లో తనకంటూ ఒక బ్రాండ్ ఇమేజిని, మార్కెట్ ని ఏర్పాటు చేసుకున్నాడు. ఇవన్నీ ఒక ఎత్తు అయితే, ఈయన పవర్ స్టార్ పవన్ కళ్యాణ్ కి వీరాభిమాని కూడా. ఇన్ని క్లూలు ఇచ్చిన తర్వాత గుర్తు పట్టకుండా ఎలా ఉంటారు, నితిన్ అని మీ అందరికీ ఈ పాటికి అర్థం అయ్యే ఉంటుంది.
ఈ ఫోటోలో కనిపిస్తున్న మహిళ నితిన్ కి అమ్మ అవుతుంది. ఈమె పేరు లక్ష్మి రెడ్డి. నితిన్ తండ్రి సుధాకర్ రెడ్డి ఇండస్ట్రీ లో పాపులర్ డిస్ట్రిబ్యూటర్, అలాగే నిర్మాత కూడా. నైజాం ప్రాంతం లో ఎన్నో సూపర్ హిట్ సినిమాలకు ఆయన పంపిణీదారుడిగా వ్యవహరించాడు. సుధాకర్ రెడ్డి కి ఇండస్ట్రీ లో ఉన్నటువంటి పలుకుబడి కారణంగా ఆయన అడిగిన వెంటనే పెద్ద డైరెక్టర్స్ నితిన్ తో సినిమాలు చేయడానికి ముందుకు వచ్చారు. అలా అప్పట్లో ఉదయ్ కిరణ్ తో నువ్వు నేను, చిత్రం వంటి సంచలన విజయాలు తీసి మంచి ఫామ్ మీద ఉన్న తేజ ని నితిన్ మొదటి సినిమా ‘జయం’ కి డైరెక్టర్ గా ఫిక్స్ చేసాడు. అప్పట్లో ఈ సినిమా సృష్టించిన ప్రభంజనం ఎలాంటిదో ప్రత్యేకించి చెప్పనవసరం లేదు. నైజాం ప్రాంతంలో పవన్ కళ్యాణ్ ఖుషి రికార్డ్స్ ని బద్దలు కొట్టి ఆల్ టైం ఇండస్ట్రీ హిట్ గా నిల్చింది. ఆ సినిమా తర్వాత నితిన్ వెనక్కి తిరిగి చూసుకోవాల్సిన అవసరం రాలేదు. వరుసగా దిల్, సై వంటి సూపర్ హిట్ సినిమాలు వచ్చాయి. ఆ తర్వాత వరుసగా ఫ్లాప్స్ రాగ, ఇష్క్ చిత్రం తో బౌన్స్ బ్యాక్ అయ్యాడు. అప్పటి నుండి నితిన్ కెరీర్ ఎలా ఉందో మన అందరికీ తెలిసిందే.
ప్రస్తుతం నితిన్ వరుస ఫ్లాప్స్ లో ఉన్న నితిన్ తనకి భీష్మ లాంటి సూపర్ హిట్ చిత్రాన్ని అందించిన వెంకీ కుడుములతో ‘రాబిన్ హుడ్’ అనే చిత్రం చేస్తున్నాడు. శ్రీలీల హీరోయిన్ గా నటిస్తున్న ఈ చిత్రాన్ని మైత్రీ మూవీ మేకర్స్ సంస్థ నిర్మిస్తుంది. ఈ సినిమాకి సంబంధించిన టీజర్ ఈ నెల 14వ తారీఖున విడుదల చేయబోతున్నారు మేకర్స్. ఈ సినిమాతో పాటు నితిన్ వేణు శ్రీ రామ్ దర్శకత్వం లో తమ్ముడు అనే చిత్రం చేస్తున్నాడు. ఈ రెండు సినిమాల మీద మార్కెట్ లో మంచి బజ్ ఉంది.
