Anaganagaa Oka Raju collections : ఈ సంక్రాంతి పోటీ లో నిలబడి సూపర్ హిట్ స్టేటస్ ని సొంతం చేసుకున్న చిత్రాల్లో ఒకటి ‘అనగనగా ఒక రాజు'(Anaganagaa Oka Raju). నవీన్ పోలిశెట్టి(Naveen Polishetty) హీరో గా నటించిన ఈ సినిమా మొదటి నుండి మంచి అంచనాలే ఉన్నాయి. ఆ అంచనాలకు తగ్గట్టుగానే సినిమా కూడా ఉండడం తో ఈ చిత్రానికి మంచి ఓపెనింగ్స్ తో పాటు, మంచి లాంగ్ రన్ కూడా సొంతం అయ్యింది. ఇప్పటికీ థియేటర్స్ లో డీసెంట్ స్థాయి రన్ ని సొంతం చేసుకుంటున్న ఈ చిత్రానికి 19 వ రోజున తెలుగు రాష్ట్రాల నుండి 42 లక్షల రూపాయిల షేర్ వసూళ్లు వచ్చాయి. ఓవరాల్ గా 19 రోజులకు ఈ చిత్రం ప్రపంచవ్యాప్తంగా 86.65 కోట్ల రూపాయిల గ్రాస్ వసూళ్లు, 47.79 కోట్ల రూపాయిల షేర్ వసూళ్లు వచ్చాయి. ప్రాంతాల వారీగా ఈ చిత్రానికి వచ్చిన వసూళ్లను ఒకసారి చూద్దాం.
నైజాం ప్రాంతం నుండి ఈ చిత్రానికి 12.34 కోట్ల రూపాయిల షేర్ వసూళ్లు వచ్చాయి. ఈమధ్య కాలం లో ఒక మీడియం రేంజ్ హీరో సినిమాకు ఈ స్థాయి షేర్ వసూళ్లు రాలేదు. అదే విధంగా సీడెడ్ ప్రాంతం నుండి 4.17 కోట్ల రూపాయిల షేర్ వసూళ్లను రాబట్టిన ఈ చిత్రానికి , ఉత్తరాంధ్ర ప్రాంతం నుండి 7.18 కోట్ల రూపాయిల షేర్ వసూళ్లు వచ్చాయి. సాధారణంగా సంక్రాంతి సీజన్ లో సీడెడ్ మరియు ఉత్తరాంధ్ర ప్రాంతాల వసూళ్లు సమానంగా ఉంటాయి. కానీ ఈ చిత్రానికి ఆ పరిస్థితి రాలేదు. సీడెడ్ ప్రాంతం లో లాభాలు వచ్చినప్పటికీ, అక్కడ పెద్ద హిట్ కాదని అనుకోవచ్చు. తూర్పు గోదావరి జిల్లా నుండి 4.07 కోట్ల రూపాయిల షేర్ వసూళ్లను రాబట్టిన ఈ చిత్రానికి పశ్చిమ గోదావరి జిల్లా నుండి 2.21 కోట్ల రూపాయిల షేర్ వసూళ్లను రాబట్టింది. గోదావరి జిల్లాల్లో సంక్రాంతి సూపర్ హిట్ సినిమాలకు భారీ వసూళ్లు నమోదు అవుతాయి.
కానీ ఎందుకో ఈ చిత్రానికి ఈ ప్రాంతాల్లో లాభాలు వచ్చినప్పటికీ భారీ వసూళ్లు నమోదు అవ్వలేదు. బహుశా ‘మన శంకర వరప్రసాద్ గారు’ చిత్రం మేనియా ఈ సినిమాపై బలంగా పడినట్టు ఉందని సోషల్ మీడియా లో విశ్లేషకులు కామెంట్స్ చేస్తున్నారు. ఇక గుంటూరు జిల్లా నుండి 2.51 కోట్ల రూపాయిల షేర్ వసూళ్లను రాబట్టిన ఈ చిత్రానికి , కృష్ణా జిల్లా నుండి 2.08 కోట్ల రూపాయిలు, నెల్లూరు జిల్లా నుండి 1.43 కోట్ల రూపాయిలు వచ్చాయి. ఓవరాల్ గా ఈ చిత్రానికి 36 కోట్ల రూపాయిల షేర్ వసూళ్లు, 61 కోట్ల రూపాయలకు పైగా గ్రాస్ వసూళ్లు తెలుగు రాష్ట్రాల నుండి వచ్చాయి. అదే విడగా కర్ణాటక + రెస్ట్ ఆఫ్ ఇండియా నుండి 3.08 కోట్ల రూపాయిల షేర్ వసూళ్లను రాబట్టిన ఈ చిత్రానికి ఓవర్సీస్ నుండి 8.72 కోట్లు వచ్చాయి. ఓవరాల్ గా ప్రపంచవ్యాప్తంగా 47.79 కోట్ల రూపాయిల షేర్ వసూళ్లు, 86 కోట్ల రూపాయలకు పైగా గ్రాస్ వసూళ్లు వచ్చాయి. ఫుల్ రన్ లో వంద కోట్ల గ్రాస్ వసూళ్లు ఈ చిత్రానికి వసూళ్లు వస్తాయని ఆశించారు, కానీ ఆ టార్గెట్ మిస్ అయ్యింది.
