Akkineni Nagarjuna : అక్కినేని అభిమానులు నాగార్జున నటిస్తున్న 100 వ సినిమా కోసం ఎంత ఆతృతగా ఎదురు చూస్తున్నారో ప్రత్యేకించి చెప్పనవసరం లేదు. ‘కింగ్ 100’ అనే వర్కింగ్ టైటిల్ తో పిలవబడే ఈ సినిమా షూటింగ్ కి గత కొన్ని రోజులుగా బ్రేక్ పడింది. ఎందుకంటే నాగార్జున చిన్న తనయుడు అక్కినేని అఖిల్ హీరో గా నటించిన ‘లెనిన్’ చిత్రం ఈ ఎంల 10 న ప్రేక్షకుల ముందుకు రాబోతుంది. ఈ సందర్భంగా నాగార్జున అన్నీ దగ్గరుండి చూసుకుంటుండడంతో ఈ సినిమా షూటింగ్ కి తాత్కాలిక బ్రేక్ పడింది. ఇప్పుడు ఆ పనులన్నీ పూర్తి అవ్వడంతో , నాగార్జున ‘కింగ్ 100’ పై ఫోకస్ పెట్టారు. ఇకపోతే ఈ సినిమాకు సంబంధించి ఒక ఆసక్తికరమైన అప్డేట్ ఇప్పుడు సోషల్ మీడియా లో బాగా వైరల్ అయ్యింది. ఈ చిత్రం లో సీనియర్ హీరోయిన్ టబు ఒక కీలక పాత్ర పోషించబోతున్న సంగతి తెలిసిందే.
ఒకప్పుడు నాగార్జున – టబు లది ఎవర్ గ్రీన్ జంట, వీళ్లిద్దరి మధ్య ప్రేమాయణం కూడా నడిచింది అంటూ అప్పట్లో ఒక వార్త వినిపించేది. అలాంటి జంట చాలా కాలం తర్వాత చేస్తున్న సినిమా కావడంతో ఈ మూవీ పై అభిమానుల్లోనే కాకుండా , ప్రేక్షకుల్లో కూడా ప్రత్యేకమైన ఆసక్తి నెలకొంది. అయితే ఈ చిత్రం లో ఆమె ఎలాంటి పాత్ర పోషించబోతుంది అనేది ఇన్ని రోజులు రివీల్ కాలేదు. కచ్చితంగా నాగార్జున కి జోడిగా నటించబోతుందని అనుకున్నారు. కానీ ఇందులో ఆమె విలన్ క్యారెక్టర్ లో నటించబోతుంది అట. ఆమె పాత్ర చాలా పవర్ ఫుల్ గా ఉంటుందని , నాగార్జున తో ఆరంభం నుండి ఎండింగ్ వరకు ఢీ కొట్టేవిధంగా డైరెక్టర్ కార్తీక్ ఆమె పాత్రని డిజైన్ చేసారని అంటున్నారు. టబు కి విలన్ క్యారెక్టర్స్ చేయడం కొత్తేమి కాదు.
గతం లో బాలీవుడ్ లో ఎన్నో సూపర్ హిట్ చిత్రాల్లో ఆమె విలన్ గా నటించి మంచి పేరు తెచ్చుకుంది. అలాంటి పాత్రలకు కేవలం టబు మాత్రమే న్యాయం చేయగలదు అనే రేంజ్ లో ఆమె జీవించింది. ఇప్పుడు మరోసారి ఆమె అలాంటి పాత్ర లో కనిపించబోతుండడం ‘కింగ్ 100’ కి పెద్ద ప్లస్ అనే పాయింట్ అనే చెప్పొచ్చు. త్వరలోనే జరగబోయే భారీ షెడ్యూల్ లో ఆమె పాల్గొనబోతుంది. షూటింగ్ కార్యక్రమాలు ఈ ఏడాది లోనే పూర్తి చేసి సంక్రాంతికి విడుదల చెయ్యాలనే ప్లాన్ లో ఉన్నారు మేకర్స్. త్వరలోనే ఈ చిత్రానికి సంబంధించిన పూర్తి వివరాలు బయటకు రానున్నాయి.
