Japan Recruitment: ఇటీవల జరిగిన హర్యానాలో జరిగిన ఓ ఉన్నత స్థాయి సమావేశంలో జపాన్, హర్యానా ప్రభుత్వం మధ్య ఒక చారిత్రాత్మక ఒప్పందం కుదిరింది. దీని ప్రకారం.. రాబోయే ఐదేళ్లలో హర్యానా నుంచి సుమారు 50,000 మంది యువతకు జపాన్లో ఉద్యోగ, శిక్షణ అవకాశాలను కల్పించనున్నారు. దీని గురించి పూర్తి వివరాల్లోకి వెళితె..
ప్రస్తుతం జపాన్లో సెమీకండక్టర్లు, ఆటోమొబైల్స్, ఇన్ఫర్మేషన్ టెక్నాలజీ (IT), మాన్యుఫ్యాక్చరింగ్ రంగాలకు చెందిన దాదాపు 80 శాతం కంపెనీలు తీవ్రమైన సాంకేతిక నిపుణుల కొరతను ఎదుర్కొంటున్నాయి. జపాన్లో వేగంగా పెరుగుతున్న వృద్ధుల జనాభా, తగ్గుతున్న యువత సంఖ్య కారణంగా అక్కడి పరిశ్రమలు నడపడం కష్టంగా మారింది. ఈ శూన్యతను భర్తీ చేయడానికి జపాన్ ప్రభుత్వం భారతదేశంలోని హర్యానా రాష్ట్రాన్ని తమ ప్రధాన భాగస్వామిగా ఎంచుకుంది. అక్కడి కంపెనీల అవసరాలకు తగ్గట్టుగా ఇక్కడి యువతకు శిక్షణ ఇచ్చి తరలించేందుకు ప్రణాళికలు సిద్ధం చేశారు.
చండీగఢ్లో జరిగిన ఈ కీలక సమావేశంలో హర్యానా ప్రభుత్వ ఉన్నతాధికారులు, జపాన్ ప్రతినిధులు పాల్గొన్నారు. ఈ ప్రాజెక్టును వేగవంతం చేయడానికి హర్యానా ప్రభుత్వం ప్రత్యేకంగా ‘హర్యానా సకురా వర్కింగ్ గ్రూప్’ జపాన్ కంపెనీల కోసం ఒక ప్రత్యేక హెల్ప్ డెస్క్ను ఏర్పాటు చేసింది. హర్యానా నైపుణ్యాభివృద్ధి సంస్థ ద్వారా విశ్వవిద్యాలయాల విద్యార్థులను గుర్తించి, వారికి జపనీస్ భాషతో పాటు ప్రత్యేక సాంకేతిక కోర్సులలో శిక్షణ ఇవ్వనున్నారు. అంతేకాకుండా, గురుగ్రామ్లో జపాన్కు చెందిన ‘ఫుకుయోకా ఇన్స్టిట్యూట్ ఆఫ్ టెక్నాలజీ’ క్యాంపస్ను ఏర్పాటు చేయాలని కూడా ప్రతిపాదించారు.
ఈ నియామకాల వెనుక ఉన్న అంతర్జాతీయ ఆర్థిక కోణాన్ని పరిశీలిస్తే, భారతదేశం ప్రపంచానికి అత్యంత తక్కువ వేతనాలతో కూడిన నాణ్యమైన శ్రామిక శక్తిని అందించే దేశంగా ఎదుగుతోందనేది స్పష్టమవుతోంది. అభివృద్ధి చెందిన పాశ్చాత్య దేశాలు లేదా జపాన్ వంటి దేశాల స్థానిక కార్మికులతో పోలిస్తే, భారతీయ వలస కార్మికులకు చెల్లించే వేతనాలు ఆయా దేశాల కంపెనీలకు చాలా పొదుపుగా మారుతున్నాయి. నైపుణ్యం ఉండి, తక్కువ వేతనాలకైనా పనిచేసేందుకు సిద్ధంగా ఉండే కోట్లాది మంది యువత భారత్లో అందుబాటులో ఉండటం అంతర్జాతీయ సంస్థలను ఆకర్షిస్తోంది.
దీని వల్ల దేశంలో నిరుద్యోగ సమస్య వేధిస్తున్న తరుణంలో, ఇటువంటి అంతర్జాతీయ ఒప్పందాలు యువతకు గ్లోబల్ ఎక్స్పోజర్ను ఇస్తాయి. వారు విదేశాల నుండి పంపే డబ్బు ద్వారా దేశీయ ఆర్థిక వ్యవస్థ బలోపేతం అవుతుంది. మరోవైపు భారతదేశం కేవలం ‘చౌక కార్మికులను సరఫరా చేసే దేశం’ అనే ముద్రను మూటగట్టుకునే ప్రమాదం ఉంది. దేశంలోనే అత్యున్నత సాంకేతిక రంగాలు మరియు పరిశ్రమలు వేగంగా వృద్ధి చెందకపోతే, మన మేధోసంపత్తి అంతా తక్కువ ధరకే పరాయి దేశాల ఆర్థిక వ్యవస్థలను నిర్మించడానికి ఉపయోగపడుతుంది.
ప్రస్తుతానికి, జపాన్తో కుదిరిన ఈ 50,000 ఉద్యోగాల ఒప్పందం హర్యానా యువతకు ఒక గొప్ప అవకాశంగా మారినప్పటికీ, భవిష్యత్తులో భారత్ కేవలం చౌక శ్రామిక శక్తి కేంద్రంగానే మిగిలిపోకుండా, సొంతంగా గ్లోబల్ ఇన్నోవేషన్ హబ్గా ఎదగాల్సిన అవసరం ఎంతైనా ఉంది.
