Vijay Political Success: తమిళనాడులో( Tamil Nadu) విజయ్ గెలుపు తర్వాత ఆసక్తికరమైన చర్చ నడుస్తోంది. సినీ పరిశ్రమ నుంచి కొత్తగా రాజకీయ రంగంలోకి వచ్చేది ఎవరు? పార్టీని ఏర్పాటు చేసేది ఎవరు అనే దానిపై ఒక చర్చ నడుస్తుండగా.. రాజకీయాల్లోకి వచ్చి అవకాశాలు దక్కని సినీ హీరోల పై చర్చ నడుస్తోంది. ప్రధానంగా ఓ ముగ్గురు.. పొలిటికల్ స్క్రీన్ పై మెరవాలని చూశారు. కానీ అది సాధ్యపడలేదు. తిరిగి సినిమా స్క్రీన్ పైకి వెళ్ళిపోయారు. వారే మెగాస్టార్ చిరంజీవి, తమిళ సూపర్ స్టార్ రజనీకాంత్, లోక నాయకుడు కమలహాసన్. ఈ ముగ్గురు ముగ్గురే. సినిమాల్లో విశేష ప్రభావం చూపి కోట్లాదిమంది అభిమానులను సొంతం చేసుకున్నారు. కానీ పొలిటికల్ స్క్రీన్ పై మాత్రం ప్రభావం చూపలేకపోయారు.
* మెగాస్టార్ సైతం..
తెలుగు నాట ఎన్టీఆర్ స్ఫూర్తితో ప్రజారాజ్యం( Praja Rajyam) ఏర్పాటు చేశారు మెగాస్టార్ చిరంజీవి. ఉమ్మడి రాష్ట్రంలోనే పోటీ చేసి 2029 ఎన్నికల్లో 18 స్థానాలకు పరిమితం అయ్యారు. దాదాపు 70 లక్షల ఓట్లను సొంతం చేసుకున్నారు. కానీ పార్టీని పూర్తిస్థాయిలో నడపలేక కాంగ్రెస్ పార్టీలో విలీనం చేశారు. అయితే అప్పటికి ఉన్న రాజకీయ పరిస్థితుల్లో.. ప్రజారాజ్యం పార్టీ 18 సీట్లు సాధించుకోవడం గొప్ప విషయం అని విశ్లేషణలు ఉన్నాయి. అయితే ప్రజారాజ్యం పార్టీని కొనసాగించి ఉంటే 2014లో ఆ పార్టీ తప్పకుండా అధికారంలోకి వచ్చేదన్న అంచనాలు ఉన్నాయి. అయితే ప్రజారాజ్యం పార్టీకి కొనసాగింపుగా జనసేన వచ్చింది. అనుకున్నది సాధించింది కానీ పవన్ కళ్యాణ్ సోలోగా అధికారంలోకి రాలేకపోవడం అనేది లోటు.
* రాజకీయ నిష్క్రమణ..
తమిళ సూపర్ స్టార్ రజనీకాంత్( Rajinikanth ) రాజకీయాల్లోకి వచ్చినట్టే వచ్చి.. తిరిగి సినిమా రంగంలోకి బ్యాకప్ అయ్యారు. నిలకడలేమి, మాట పడకపోవడం, సినిమాలపైనే ధ్యాస ఉండడంతో రజనీకాంత్ రాజకీయాల్లో ఇమడలేమన్న భావనకు వచ్చారు. తమిళనాడులో ఎక్కువ మంది అభిమానులను సొంతం చేసుకున్న సూపర్ స్టార్ రజినీకాంత్. కానీ రాజకీయాల్లోకి వచ్చి ప్రభావం చూపడం కంటే మాట పడకపోవడం ఆయన నైజం. అందుకే రాజకీయాలు సూటు కావని భావించి పార్టీ ప్రారంభించిన కొద్ది రోజులకే నిష్క్రమించారు. మరో లోకనాయకుడు కమలహాసన్ సైతం అదే పరిస్థితి. పార్టీని ఏర్పాటు చేశారు కానీ.. ఆశించిన దూకుడుగా ముందుకు వెళ్లలేదు. కాంగ్రెస్ తో పాటు డీఎంకేకు సపోర్ట్ చేసి పక్కకు తప్పుకున్నారు.
* సినిమాయే వారి ప్రాణం..
అన్నింటికీ మించి ఈ ముగ్గురు సినిమాలను ఇష్టపడతారు. ప్రాణంగా ప్రేమిస్తారు. సినిమాలతో పోల్చుకుంటే రాజకీయాల పట్ల ప్రేమ చూపలేరు. అందుకే పొలిటికల్ స్క్రీన్ పై మరవలేకపోయారు. తిరిగి సినిమా స్క్రీన్ వైపే వెళ్ళిపోయారు. ఒక్క మాటలో చెప్పాలంటే వీరు విజయ్ తో పాటు పవన్ కళ్యాణ్ తో పోల్చుకుంటే దిగ్గజాలు. కానీ సినీ పరిశ్రమ వరకే. సినిమాలు చేయకుండా ఉండలేరు కూడా. విజయ్ రాజకీయాల కోసం సినిమాలు వదులుకోవడానికి సిద్ధపడ్డారు. పవన్ కళ్యాణ్ సైతం అదే మాదిరిగా వ్యవహరిస్తుంటారు. కానీ ఈ ముగ్గురు సినిమాలను విడిచి పెట్టేందుకు అంగీకరించడం లేదు. అందుకే పొలిటికల్ స్క్రీన్ పై రాణించలేకపోయారు.
