నీళ్లు.. నిధులు.. నియామకాల బేస్‌లో తెలంగాణ రాష్ట్రం ఏర్పటైంది. వీటి కోసమే చరిత్రలో నిలిచిపోయే ఉద్యమాన్ని చేశారు తెలంగాణ ప్రజలు. కానీ.. తెలంగాణ రాష్ట్రం సాకారం అయ్యాక కూడా ఇంకా నియామకాలు లేక నిరుద్యోగ యువత తల్లడిల్లుతోంది. ప్రభుత్వం ఎప్పుడెప్పుడు నోటిఫికేషన్‌ వేస్తుందా.. ఎప్పుడు జాబ్‌ కొడుదామా అన్నట్లు కళ్లు కాయలు కాచేలా ఎదురుచూస్తున్నారు. మరోవైపు.. నెలనెలా ప్రభుత్వ శాఖల నుంచి రిటైర్‌‌మెంట్లు నడుస్తూనే ఉన్నాయి. కానీ.. ప్రభుత్వం మాత్రం భర్తీపై ఆసక్తి చూపడం లేదు.
Also Read: పీఆర్సీ పై కేసీఆర్ స్కెచ్ ఇదేనా..?
తాజాగా.. పీఆర్సీ రిపోర్టు ఇచ్చిన కమిటీ రాష్ట్రంలోని ఖాళీలను సైతం తేల్చింది. రాష్ట్రం ఏర్పడినప్పటి నుంచి అన్ని శాఖలు, విభాగాలు, ప్రభుత్వరంగ సంస్థలలో పనిచేస్తున్న మొత్తం ఉద్యోగుల సంఖ్య లెక్క వెల్లడించింది. 32 శాఖలు, వాటి కింద పనిచేస్తున్న అనుబంధ విభాగాల నుంచి వివరాలను సేకరించిన పీఆర్సీ చివరకు 4,91,304 శాంక్షన్డ్ పోస్టులు ఉన్నాయని గుర్తించింది. ఈ నివేదిక రూపొందించే సమయానికి (2020 డిసెంబరు) 3,00,178 మంది పనిచేస్తున్నారని, ఇంకా 1,91,126 పోస్టులు ఖాళీగా ఉన్నాయని వివరించింది.
Also Read: 43 శాతం అడిగారు.. 7.5శాతం ఫిట్ మెంట్ ఉద్యోగుల చేతిలో పెట్టిన కేసీఆర్
అత్యధికంగా విద్యాశాఖలో 1.37 లక్షలు, ఆ తర్వాత హోంశాఖలో 98,394 పోస్టులు, వైద్యారోగ్య శాఖలో 52,906 పోస్టులు ఉన్నాయని నివేదికలో పేర్కొంది. ఈ మూడు శాఖలతోపాటు రెవెన్యూ, పంచాయతీరాజ్ శాఖలు, వాటికింద ఉన్న అనుబంధ విభాగాలలోని శాంక్షన్డ్ పోస్టులను కూడా పరిగణనలోకి తీసుకుంటే సుమారు 70 శాతం (69.80%) ఈ ఐదు శాఖలలోనే ఉన్నారు.
మరిన్ని తెలంగాణ రాజకీయ వార్తల కోసం తెలంగాణ పాలిటిక్స్
రాష్ట్రం మొత్తం మీద శాంక్షన్డ్ పోస్టులలో 61 శాతం మంది మాత్రమే పనిచేస్తున్నారు. మిగిలిన 39 శాతం ఖాళీలే ఉన్నాయి. అత్యధిక ఉద్యోగులు కలిగిన రాష్ట్రాలతో పోలిస్తే తెలంగాణ నాలుగో స్థానంలో ఉంది. అత్యధికంగా పంజాబ్‌లో 1.77 శాతం, మహారాష్ట్రలో 1.69 శాతం మంది, తమిళనాడులో 1.66 శాతం చొప్పున ఉన్నారు. ఆ తర్వాతి స్థానం తెలంగాణదే. అతి తక్కువగా గుజరాత్ రాష్ట్రంలో ఆరు కోట్లకుపైగా జనాభా ఉంటే కేవలం 1.85 లక్షల శాంక్షన్డ్ పోస్టులు మాత్రమే (0.31%) ఉన్నాయి.