Starbucks : స్టార్‌బక్స్ వింత నిర్ణయం.. ఇప్పుడు మీరు కాఫీ తాగకపోయినా చెల్లించాల్సిందే

Starbucks : అమెరికన్ కాఫీ బ్రాండ్ స్టార్‌బక్స్ మరోసారి ముఖ్యాంశాల్లోకి వచ్చింది. కంపెనీ కొత్త నిబంధనను జారీ చేసింది. దీని ప్రకారం మీరు ఉచిత Wi-Fiని ఉపయోగించాలనుకున్నా లేదా వాష్‌రూమ్‌ని ఉపయోగించాలనుకున్నా, కేఫ్ నుండి ఏదైనా కొనుగోలు చేయకపోతే మిమ్మల్ని లోనికి అడుగు కూడా పెట్టనీయరు. అంటే స్టార్‌బక్స్‌లోకి ప్రవేశిస్తే కచ్చితంగా వారి సర్వీసును తీసుకోవాల్సిందే. ఈ కొత్త నిబంధన జనవరి 27 నుండి అమల్లోకి వస్తుంది. ప్రతి దుకాణంలో అమలు చేయబడుతుంది.

పెయిడ్ కస్టమర్లకు మాత్రమే ఎంట్రీ
స్టార్‌బక్స్ తన ప్రకటనలో కంపెనీ తన విధానాన్ని మార్చుకోబోతోందని తెలిపింది. దీని ప్రకారం ముందుగా ఎవరైనా దాని దుకాణాలలోకి ప్రవేశించవచ్చు లేదా నిష్క్రమించవచ్చునని తెలిపింది. అయితే, కొత్త నిబంధనల ప్రకారం, పెయిడెడ్ కస్టమర్లకు మాత్రమే ప్రాధాన్యత ఇవ్వబడుతుంది. స్టార్‌బక్స్ ప్రతినిధి జెస్సీ ఆండర్సన్ మాట్లాడుతూ.. అనేక రిటైల్ దుకాణాల్లో ఇప్పటికే ఈ నియమం అమలులో ఉందని అన్నారు. మా దుకాణానికి వచ్చే కస్టమర్లు సుఖంగా ఉండాలని మేము కోరుకుంటున్నాము. దీనికోసం మంచి వాతావరణాన్ని సృష్టించాలనుకుంటున్నామన్నారు.

సిబ్బందికి శిక్షణ
కంపెనీ కొత్త ప్రవర్తనా నియమావళి ప్రకారం, కేఫ్‌లో కూర్చుని మద్యం సేవించడం, ధూమపానం చేయడం, మాదకద్రవ్యాల దుర్వినియోగం మొదలైన వాటిని ఇప్పుడు కఠినంగా పర్యవేక్షించనున్నారు. ఎవరైనా ఇలా చేస్తున్నట్లు దొరికితే, వారిని వెంటనే కేఫ్ వదిలి వెళ్ళమని అడుగుతారు. అవసరమైతే, పోలీసుల సహాయం కూడా తీసుకుంటారు. ఇప్పుడు కేఫ్‌లోని సిబ్బందికి శిక్షణతో పాటు ఈ కొత్త నియమం గురించి సమాచారం ఇవ్వబడుతుంది.

2018లో జాతి వివక్ష కేసు
నిజానికి, 2018లో ఫిలడెల్ఫియాలోని స్టార్‌బక్స్ దుకాణం నుండి ఇద్దరు నల్లజాతీయులను పోలీసులు అరెస్టు చేశారు. ఇది స్టోర్ మేనేజర్ సూచనల మేరకు జరిగింది. వారిద్దరూ దుకాణం నుండి ఏమీ కొనడం లేదు.. వెళ్లమన్నా ఆ స్థలాన్ని ఖాళీ చేయలేదు. ఈ జాతి వివక్ష కేసు వెలుగులోకి వచ్చిన వెంటనే కంపెనీ తన వెబ్‌సైట్‌లో క్షమాపణ చెప్పాల్సి వచ్చింది. దీని తరువాత కంపెనీ తన నియమాన్ని మార్చింది. దీని కింద ఎవరైనా స్టార్‌బక్స్ కేఫ్‌లో ఉండటానికి అనుమతించబడ్డారు.. కానీ ఇప్పుడు కంపెనీ ఈ నియమాన్ని మళ్ళీ మార్చింది.