Ambedkar Jayanti 2024: ఏప్రిల్ 14.. ఇది క్యాలెండర్లో ఒక తేదీ మాత్రమే కాదు.. సామాజిక న్యాయం, సమానత్వానికి అంకితమైన ఒక గొప్ప వ్యక్తి జీవితాన్ని సమ్మరించుకునే రోజు. దీనజన బాంధవుడు, ప్రజాస్వామ్య ప్రధాత, భారతీయులంతా ఒక్కటే అనే భావన తీసుకు వచ్చిన గొప్ప దార్శనికుడు డాక్టర్ బీఆర్. అంబేద్కర్ పుట్టిన రోజు. ఆదివారం ఆ మహనీయుడి జయంతి సందర్భంగా ప్రత్యేక కథనం.
బాల్యం.. విద్య..
బాబాసాహెబ్ అని ముద్దుగా పిలువబడే బీఆర్. అంబేద్కర్, 1891, ఏప్రిల్ 14న తల్లిదండ్రులకు 14వ సంతానంగా జన్మించాడు. రిటైర్డ్ సుబేదార్ రామ్జీ మాలోజీ సక్సాల్, బ్రిటిష్ సైన్యంలో సేవలందించి, సంత్ కబీర్ భక్తుడు అతనికి జన్మనిచ్చారు. అంబేద్కర్ చిన్నతనంలోనే తల్లిని కోల్పోయారు. అంటరానితనం కఠిన వాస్తవాలను ఎదుర్కొంటూ బొంబాయిలో తన ప్రారంభ విద్యను కొనసాగించారు. సామాజిక అడ్డంకులు ఉన్నప్పటికీ తన విద్యపై దృష్టిపెట్టి సతారాలో తన ప్రాథమిక విద్యను పూర్తి చేశారు.
విద్యా సాధనాలు..
విజ్ఞానంపై ఉన్న అతని దాహం అతన్ని బాంబేలోని ఎల్ఫిన్స్టోన్ కళాశాలకు తీసుకెళ్లింది. అక్కడ అతను బరోడాకు చెందిన హిస్ హైనెస్ సాయాజీరావు గైక్వాడ్ నుంచి స్కాలర్షిప్ పొందాడు. తన పట్టా పూర్తి చేసిన తర్వాత మరింత చదువు కోసం అమెరికా వెళ్లి కొలంబియా యూనివర్సిటీ నుంచి ఎంఏ, పీహెచ్డీ డిగ్రీలు సంపాదించాడు. లండన్కు తిరిగి వచ్చిన తర్వాత అంబేద్కర్ చట్టం, ఆర్థిక శాస్త్రంలో ప్రవేశించి బార్ ఎ ట్ లా, డీఎస్సీ డిగ్రీలు పొందాడు. తర్వాత జర్మనీలోనూ తన విద్యా కార్యకలాపాలను కొనసాగించాడు. సామాజిక, ఆర్థిక డైనమిక్స్ పై తన అవగాహనను మెరుగుపర్చుకున్నాడు.
అట్టడుగు వర్గాలకు మద్దతు..
అంబేద్కర్ చదివిన ఉన్నత చదువులు, అత్యుత్తమ విద్యాభ్యాసం అట్టడుగు వర్గాలకు మద్దతు ఇవ్వడానికి అతనిని ప్రేరేపించింది. అణగారిన వర్గాల అభ్యున్నతికి అంకితైమన సంఘాలు, వార్తా పత్రికలను స్థాపించాడు. పాతుకుపోయిన కుల వ్యవస్థను ధైర్యంగా సవాల్ చేశాడు.
హిందుత్వం వదిలి..
ఇక అంబేద్కర్ హిందువే అయినా.. హిందుత్వాన్ని వదిలేసి స్వతంత్ర లేబర్ పార్టీని స్థాపించాడు. సమానత్వం, సామాజిక న్యాయ సాధన కోసం అలుపెరగని పోరాటం సాగించాడు. స్వాతంత్య్ర భారత దేశంలో తొలి న్యాయశాఖ మంత్రిగా పనిచేశారు. ఆయన భారత జాతి రాజ్యాంగాన్ని రూపొందించారు. దేశాన్ని లౌకికవాద దేశంగా చేయడమే కాకుండా జాతీయ పతాకంలో అకోశ ధర్మ చక్రం, మూడు సింహాల సూచన చేశారు.
