Recharge Plans : దేశంలో స్మార్ట్ ఫోన్ల వినియోగం సర్వసాధారణమైపోయింది. ప్రతి ఒక్కరూ తమ అవసరాలకు అనుగుణంగా వాటిని ఉపయోగిస్తున్నారు. పేదల నుంచి ధనవంతుల వరకు అందరి వద్ద స్మార్ట్ పోన్లు వాళ్ల స్టామినా మేరకు కనిపిస్తున్నాయి. టెక్నాలజీ పెరిగిన నేపథ్యంలో ప్రతి పనికి ఫోన్ల ధరలు అందుబాటులోకి రావడమే ఇందుకు ప్రధాన కారణం. అలాగే, Jio, Airtel, BSNL ఇతర టెలికాం నెట్వర్క్లు అందించే వివిధ ప్లాన్ల ద్వారా ఫోన్లను రీఛార్జ్ చేసి ఉపయోగించాలి. ఇటీవల, అన్ని టెలికాం నెట్వర్క్ కంపెనీలు రీఛార్జ్ ప్లాన్ల ధరలను పెంచాయి. ఇది ఫోన్ వినియోగదారులను ఇబ్బందులకు గురిచేస్తోంది.
కొంతకాలం క్రితం ప్రైవేట్ టెలికాం కంపెనీలు తమ ప్లాన్ల ధరలను పెంచాయి. ఈ పెరుగుదల తర్వాత చాలా మంది ప్రజలు BSNL వైపు మళ్లడం కనిపించింది. అయితే రూ. 100 కంటే తక్కువ ధర గల రీఛార్జ్ ప్లాన్ల గురించి చెప్పబోతున్నాం. ఈ ప్లాన్లలో మీరు చాలా ప్రయోజనాలను పొందుతారు. Airtel, Jio మధ్య వినియోగదారులకు ఎవరు ఎక్కువ ప్రయోజనాలను అందిస్తున్నారో కూడా తెలుసుకుందాం.
జియో రూ.69 డేటా ప్లాన్
జియో తన కస్టమర్ల కోసం నాలుగు డేటా యాడ్-ఆన్ ప్లాన్లను ప్రవేశపెట్టింది. వీటిని డేటా బూస్టర్లు అని కూడా పిలుస్తారు. ఈ ప్లాన్లు మీ ప్రస్తుత యాక్టివ్ రీఛార్జ్తో లింక్ చేయబడతాయి. మీ రోజువారీ డేటా పరిమితిని చేరుకున్నప్పుడు ఈ ప్లాన్లు అపరిమిత డేటా సౌకర్యాన్ని అందిస్తాయి.
ప్లాన్ ధరలు: రూ. 19, రూ. 29, రూ. 69, రూ. 139.
డేటా పరిమితి: 1GB నుండి 12GB ఎక్స్ ట్రా డేటా.
వ్యాలిడిటీ : ఇది మీ ప్రస్తుత రీఛార్జ్ ప్లాన్పై ఆధారపడి ఉంటుంది.
ఈ ప్లాన్లతో వినియోగదారులు ఇంటర్నెట్ పరిమితిని దాటిన తర్వాత కూడా అంతరాయం లేకుండా ఇంటర్నెట్ని ఆస్వాదించవచ్చు.
ఎయిర్టెల్ రూ.99 ప్లాన్
Airtel మీ ప్రస్తుత రీఛార్జ్తో పనిచేసే రూ. 99 యాడ్-ఆన్ ప్లాన్ను ప్రవేశపెట్టింది.
డేటా: 20GB అన్ లిమిటెడ్ డేటా.
వ్యాలిడిటీ : 2 రోజులు.
అదనపు ప్రయోజనాలు: ఈ ప్లాన్తో రెండు రోజుల పాటు Disney+ Hotstarకి ఉచిత యాక్సెస్.
ఈ ప్లాన్ ప్రత్యేకించి స్వల్పకాలంలో హై-స్పీడ్ ఇంటర్నెట్ను పూర్తిగా ఉపయోగించాలనుకునే వారి కోసం. దీని ద్వారా మీరు ఆన్లైన్ సినిమాలు, సిరీస్, గేమింగ్లను ఆస్వాదించవచ్చు.
మీకు హై-స్పీడ్ ఇంటర్నెట్, తక్కువ బడ్జెట్లో గొప్ప ప్రయోజనాలు కావాలంటే, Airtel, Jio ఈ ప్లాన్లు మీకు గొప్ప ఎంపిక.
