Post Office : పోస్ట్ ఆఫీస్ లో ఉన్న అనేక పొదుపు పథకాలపై మంచి వడ్డీ రేటు లభిస్తుంది. బ్యాంకులలో ఉన్న ఎఫ్డీ లతో పోలిస్తే పోస్ట్ ఆఫీస్ లో ఉన్న పొదుపు పథకాలలో మంచి వడ్డీ రేట్లు మరింత ఆకర్షణీయంగా మారాయి. పోస్ట్ ఆఫీస్ లో ఉన్న ఒక అద్భుతమైన పథకం గురించి ప్రస్తుతం మనం తెలుసుకుందాం. ఈ పథకంలో మీరు కేవలం ఐదు లక్షలు పెట్టుబడి పెడితే చాలు ఒకేసారి మీరు రూ.2,24,974 స్థిర వడ్డీ పొందవచ్చు.
మీకు సమీపంలో ఉన్న పోస్ట్ ఆఫీస్ లో మీరు టి డి ఖాతా ఓపెన్ చేయాలి. మీరు ఈ టి డి ఖాతాలకు ఒక సంవత్సరం, రెండు సంవత్సరాలు, మూడు సంవత్సరాలు లేదా ఐదు సంవత్సరాలు కాలపరిమితిని ఎంపిక చేసుకోవచ్చు. ఒక సంవత్సరం టిడి పోస్ట్ ఆఫీస్ తన వినియోగదారులకు 6.9% వడ్డీ రేటును అలాగే రెండు సంవత్సరాల టిడి కస్టమర్లకు 7.0%, మూడు సంవత్సరాల టిడి కస్టమర్లకు 7.1% ఇక ఐదు సంవత్సరాల టిడి పై కస్టమర్లకు 7.5% వడ్డీ రేటును అందిస్తుంది. ఉదాహరణకు మీరు పోస్ట్ ఆఫీస్ లో ఉన్న టి డి లో ఐదు సంవత్సరాలకు ఐదు లక్షల రూపాయలు పెట్టుబడి పెట్టినట్లయితే మీకు మెచ్యూరిటీ సమయానికి రూ.7,24,974 అందుతాయి. మీరు పెట్టుబడి పెట్టిన 5 లక్షల తో పాటు మీకు వడ్డీ రూ.2,24,974 అదనంగా వస్తాయి.
Also Read : పోస్ట్ ఆఫీస్ లో ఈ అద్భుతమైన పథకంతో తక్కువ పెట్టుబడితో ఎక్కువ లాభాలు పొందవచ్చు..
కస్టమర్లు ఈ పథకంలో హామీతో చాలా స్థిర వడ్డీ రేటును పొందే అవకాశం ఉంది. అయితే ఈ పథకంలో సాధారణ పౌరుడికి అలాగే సీనియర్ సిటిజనులకు ఒకే రకమైన వడ్డీ రేటు ఉంటుంది. కనీసంగా ఇందులో మీరు 1000 రూపాయలు డిపాజిట్ చేసుకోవచ్చు. దీనికి గరిష్ట డిపాజిట్ పరిమితి లేదు. ఈ పథకంలో మీరు జమ చేసిన డబ్బు సురక్షితంగా ఉంటుంది. పోస్ట్ ఆఫీస్ లో ఉన్న పథకాలకు ప్రభుత్వ భరోసా ఉంటుంది కాబట్టి ఇందులో మీరు పెట్టుబడి పెట్టడం చాలా సురక్షితం. ప్రభుత్వం మీరు ఈ పథకాలలో జమ చేసిన ప్రతి డబ్బుకు కూడా భద్రత కల్పిస్తుంది. ఈమధ్య కాలంలో పోస్ట్ ఆఫీస్ లో ఉన్న పొదుపు పథకాల గురించి ప్రజలలో అవగాహన కూడా బాగా పెరిగిందని తెలుస్తుంది.
