దేశంలో కరోనా ఎంట్రీతో సామాన్యుల నుంచి సెలబ్రెటీల వరకు అంతా ఇంటికే పరిమితమయ్యారు. దేశవ్యాప్తంగా లాక్డౌన్ కారణంగా సినిమా షూటింగ్ లతోపాటు క్రీడలు వాయిదాపడింది. దీంతో సినీ, క్రికెటర్లకు బోలెడంతా సమయం దొరికినట్లయింది. సెలబ్రెటీలు సోషల్ మీడియాలో లాక్డౌన్ సమయంలో తమ అనుభవాలను అభిమానులతో పంచుకుంటున్నారు. లాక్డౌన్ సమయాన్ని ఒక్కొక్కరు ఒక్కోలా వినియోగించుకుంటున్నారు. తాజాగా లెజండరీ క్రికెటర్ కపిల్ దేవ్ లాక్డౌన్ సమయాన్ని తన మేక్ ఓవర్ కోసం కేటాయించినట్లు తెలుస్తోంది. ఒకప్పటి కపిల్ దేవ్ కు ప్రస్తుతం ఉన్న కపిల్ దేవ్ పూర్తిగా భిన్నంగా మారిపోయాడు.
కపిల్ దేవ్ అనగానే ముందుగా తన ఉంగాల జట్టు గుర్తొస్తుంది. 1983లో టీమిండియా కపిల్ దేవ్ సారథ్యంలో తొలిసారి వరల్డ్ కప్ గెలుచుకుంది. నాటి నుంచి ఇప్పటివరకు కపిల్ దేవ్ ఒకే హెయిల్ స్టైల్ మెయింటేన్ చేస్తూ వస్తున్నాడు. అయితే తాజాగా కపిల్ దేవ్ కొత్త లుక్కులో దర్శనమిచ్చారు. పూర్తిగా గుండు గీయించుకొని గడ్డంతో మాత్రమే కన్పించాడు. బ్లాక్ సూట్ ధరించి కొత్త లుక్కులో ఉన్న ఫొటోలను కపిల్ దేవ్ తన స్నేహితుడు చేతన్ శర్మ, అభిమానులతో పంచుకున్నాడు.
దీనిపై చేతన్ శర్మ స్పందిస్తూ కపిల్ దేవ్ లుక్కు అద్భుతంగా ఉందంటూ కితాబిచ్చాడు. కపిల్ లుక్ చూసిన అభిమానులు మాత్రం క్రికెట్ దిగ్గజం రిచర్డ్ తో కపిల్ ను పోలుస్తున్నారు. అంతేకాదు రిచర్డ్ బయోగ్రఫీలో నటిస్తున్నారా అంటూ కామెంట్లు కూడా పెడుతున్నారు. కపిల్ దేవ్ న్యూ లుక్ సంబంధించిన పిక్స్ ప్రస్తుతం సోషల్ మీడియాలో వైరల్ అవుతున్నాయి.
Legendary Kapil Dev's New Look. Wow.loved it, Great to see paji in different look.
Fantastic @therealkapildev pic.twitter.com/TCvl1Z6AHX— Chetan Sharma (@chetans1987) April 20, 2020
