Indian Navy : భారతదేశం 75వ స్వాతంత్య్ర దినోత్సవాన్ని భారత నౌకాదళం ఊహించని విధంగా ఘనంగా జరిపింది. భారత యుద్ధనౌకలు ఆరు ఖండాలు, మూడు మహాసముద్రాలు, ఆరు వేర్వేరు సమయాల్లో త్రివర్ణ పతాకాన్ని ఎగురవేసి అద్భుతాన్ని ఆవిష్కరించాయి. భారతీయ ప్రవాసులు మరియు ఇతర అగ్ర నాయకత్వం.. ఆతిథ్య దేశంలోని స్థానిక ప్రతినిధుల సమక్షంలో భారత త్రివర్ణ పతాకాన్ని ఎగురవేయడానికి భారత నౌకాదళ యుద్ధనౌకలు ఆగస్టు 15న వివిధ ఓడరేవులకు చేరుకున్నాయి.
భారత నావికాదళం ఈ మేరకు విడుదల చేసిన వీడియో వైరల్ అయ్యింది. ఇండియన్ నేవీ ట్వీట్ చేస్తూ, “75 సంవత్సరాల స్వాతంత్య్రాన్ని పురస్కరించుకుని భారత నౌకాదళం యుద్ధనౌకలు ఆరు ఖండాలు, మూడు మహాసముద్రాలు మరియు ఆరు వేర్వేరు దేశపు సమయాల్లో త్రివర్ణ పతాకాన్ని ఎగురవేశారు.”అని ట్వీట్ చేసింది.
ముఖ్యంగా ఆజాదీ కా అమృత్ మహోత్సవాన్ని జరుపుకోవడానికి ఐఎన్ఎస్ తబర్ ఆదివారం కెన్యాలోని మొంబాసా పోర్ట్‌కు చేరుకుంది. నౌక మరియు సిబ్బంది మొంబాసా నగరంలో స్వాతంత్ర్య వేడుకల్లో పాల్గొన్నారు.
రెండు దశాబ్దాల తర్వాత భారత నావికాదళ నౌక బ్రెజిల్‌ను మొదటిసారిగా సందర్శించింది. ఐఎన్ఎస్ తార్కాష్, గైడెడ్ మిస్సైల్ ఫ్రిగేట్ యుద్ధ నౌక బ్రెజిల్‌లోని పీర్ మావువా వద్ద లంగర్ వేసి భారత స్వాతంత్ర్య 75వ వార్షికోత్సవంతో సెప్టెంబరులో బ్రెజిల్ స్వాతంత్ర్య ద్విశతాబ్ది జ్ఞాపకార్థం ఆగస్టు 13 నుండి ఆగస్టు 16 వరకు అక్కడ వేడుకల్లో పాల్గొంటోంది. ఈ సందర్భంగా జాతీయ పతాకాన్ని బ్రెజిల్ తీరంలో భారత యుద్ధ నౌక సిబ్బంది ఎగురవేశారు.
భారత నౌకాదళం ప్రకారం.. చారిత్రాత్మక 75వ స్వాతంత్ర్య దినోత్సవం సందర్భంగా యుద్ధనౌక ఐఎన్ఎస్ సత్పురా తన బేస్ పోర్ట్ నుండి ఉత్తర అమెరికా ఖండానికి సుమారు 10,000 నాటికల్ మైళ్ల దూరంలో జెండా పండుగను ఘనంగా నిర్వహించింది. ఇది కాకుండా, శాన్ డియాగో యుఎస్ నేవీ బేస్‌లో యుద్ధనౌక 75 ల్యాప్‌ల “ఆజాదీ కా అమృత్ మహోత్సవ్ రన్” కూడా నిర్వహించిందని భారత నావికాదళం తెలిపింది. ఈ ల్యాప్‌లు భారతదేశ స్వాతంత్ర్యం కోసం త్యాగం చేసిన 75 మంది మహనీయులకు అంకితం చేయబడ్డాయి.
ఆజాదీ కా అమృత్ మహోత్సవ్ అనేది 75 సంవత్సరాల స్వాతంత్ర్యం మరియు భారతదేశ ప్రజలు, సంస్కృతి మరియు విజయాల యొక్క అద్భుతమైన చరిత్రను జరుపుకోవడానికి.. స్మరించుకోవడానికి భారత ప్రభుత్వం చేస్తున్న పండుగ అని చెప్పొచ్చు. ప్రజల హృదయాలలో దేశభక్తి భావాన్ని ప్రేరేపించడం.. త్రివర్ణ పతాకంపై అవగాహన పెంపొందించడం ఈ చొరవ వెనుక ఉన్న ఆలోచనగా చెప్పొచ్చు. ఇందుకోసమే ఇండియన్ నేవి ప్రపంచవ్యాప్తంగా ప్రయాణించి 6 ఖండాలు.. 3 మహా సముద్రాలు.. 6 సమయాల్లో జాతీయ జెండా ఎగురవేసి చరిత్ర సృష్టించింది.
https://twitter.com/IndiannavyMedia/status/1559029065860157441?s=20&t=AiSbNMeJ2r6bG-c-GtgeOQ
Web Title: Indian navy warships hoist tricolour across 6 continents 3 oceans 6 time zones
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
