H-1B Visa : అమెరికా అధ్యక్షుడిగా డొనాల్డ్‌ ట్రంప్‌ రెండోసారి బాధ్యతలు చేపట్టారు. ఆయన ఆ దేశంలోని అక్రమ వలసలతోపాటు, అక్కడ స్థిరపడిన వారిని, గ్రీకార్డ్‌ పొందినవారిని కూడా ఇబ్బంది పెడుతున్నారు. అక్రమ వలసదారులను దేశం నుంచి పంపిస్తున్నారు. ఇక గ్రీన్‌కార్డు ఉన్నా.. శాశ్వతం సిటిజన్‌షిప్‌ ఉన్నట్లు కాదని ప్రకటించారు. ఇమ్మిగ్రేషన్‌ నిబంధనలు కఠినతరం చేశారు. సంస్కరణలు తీసుకువచ్చారు. ఫీజు పెంచారు. దీంతో అమెరికా అంటేనే.. వద్దు బ్రో అంటున్నారు. ఈ తరుణంలో హెచ్‌–1బీ వీసా కార్యక్రమం అమెరికా యజమానులకు సాంకేతికత, ఆరోగ్య సంరక్షణ, విద్య వంటి ప్రత్యేక రంగాలలో నైపుణ్యం కలిగిన విదేశీ కార్మికులను నియమించుకునే అవకాశాన్ని కల్పిస్తుంది. అధిక డిమాండ్‌ కారణంగా, US పౌరసత్వం, ఇమ్మిగ్రేషన్‌ సర్వీసెస్‌ (USCIS) ప్రతి సంవత్సరం లాటరీ ద్వారా దరఖాస్తుదారులను యాదృచ్ఛికంగా ఎంపిక చేస్తుంది.
తగ్గిన రిజిస్ట్రేషన్లు..
FY 2026 కోసం, H-1B రిజిస్ట్రేషన్లు FY 2024లోని 4,42,000 స్థాయికి స్వల్పంగా తగ్గాయి. అయితే, ఇటీవలి సంవత్సరాల్లో చెల్లుబాటు అయ్యే రిజిస్ట్రేషన్ల సంఖ్య గణనీయంగా పడిపోయింది. FY 2024లో 7,58,994 నుండి FY 2025లో 4,70,342కి, అంటే 38.6% తగ్గింది. ఈ మార్పుకు కారణం USCIS అమలు చేసిన లబ్ధిదారుల–కేంద్రీకృత వ్యవస్థ, దీనిలో ప్రతి దరఖాస్తుదారుడు ఒక్కసారి మాత్రమే లాటరీలో పాల్గొనగలడు. ఈ విధానం ప్రక్రియను సరళీకరించి, ఎంపిక రేటును 30% నుండి 40%కి పెంచింది.
ఫీజు పెంపు..
మరో ముఖ్యమైన మార్పు రిజిస్ట్రేషన్‌ ఫీజు పెరుగుదల. 10 డాలర్ల నుండి 215 డాలర్లకు పెరిగింది. ఇది పరిపాలనా ఖర్చులను భర్తీ చేయడానికి మరియు అనవసరమైన దరఖాస్తులను తగ్గించడానికి ఉద్దేశించబడింది. ఎంపికైన యజమానులు ఏప్రిల్‌ 1, 2025 నుండి 90 రోజుల్లోపు పిటిషన్లను దాఖలు చేయాలి.
H-1B పిటిషన్ల తిరస్కరణ రేట్లు సంవత్సరాల వారీగా మారుతూ వచ్చాయి. 2018లో కఠిన వలస విధానాల వల్ల తిరస్కరణలు పెరిగాయి, కానీ 2024 నాటికి, ముఖ్యంగా పెద్ద కంపెనీల విషయంలో, ఈ రేటు గణనీయంగా తగ్గింది. టెక్నాలజీ మరియు సైన్స్‌ రంగాలు H-1B ఆమోదాల్లో ఆధిపత్యం చెలాయిస్తున్నాయి, తర్వాత విద్య, ఆరోగ్య సంరక్షణ రంగాలు ఉన్నాయి. ఈ వీసా నైపుణ్యం కలిగిన నిపుణులకు ఎంత కీలకమో చూపిస్తున్నాయి.
