Fifth century ship: ప్రాచీన కాలంలో మన నౌకా యానం అద్భుతంగా ఉండేది. నాడు రోడ్డు, రైలు మార్గాలు లేకపోవడంతో నౌకల్లోనే వివిధ దేశాలకు వెళ్లేవారు. నాటి టెక్నాలజీ అద్భుతంగా ఉండేది. ఇప్పుడు నాటి వైభవాన్ని భవిష్యత్ తరాలకు చాటేలా కేంద్రం అద్భుతమైన కార్యక్రమానికి శ్రీకారం చుట్టింది. 2025, డిసెంబర్ 29న భారతీయ నౌకా చరిత్రకు కొత్త అధ్యాయం లిఖితమవుతుంది. గుజరాత్లోని పోర్బందర్ నుంచి ప్రారంభమయ్యే పెద్ద పడవలు, ప్రాచీన ‘స్టిచ్డ్ ప్లాంక్‘ పద్ధతితో తయారై, ఇండోనేషియా, వియత్నాం, కంబోడియా, ఓమాన్ వరకు సముద్ర మార్గాల్లో ప్రయాణిస్తాయి. ఈ ప్రయాణం భారత నేవీ, సాంస్కృతిక మంత్రిత్వ శాఖ, హోలీ ఇన్నోవేషన్స్ సంయుక్తంగా నిర్వహిస్తున్నాయి. నాటి సాంకేతికతను ఆధునిక నావికులతో కలిపి, భారత సముద్ర యాన వారసత్వాన్ని ప్రపంచానికి ప్రదర్శిస్తున్నారు.
ప్రాచీన సాంకేతికత పునరుజ్జీవనం
చోళుల కాలంలో వికసించిన ఈ పద్ధతి, కొబ్బరి తాడులతో వుడుపలకలను బంధించి, సహజ గమ్ముతో సముద్ర అలలను తట్టుకునేలా రూపొందించారు. ఎల్లోరా, అజంతా గుహల్లో చిత్రించిన డిజైన్ల ఆధారంగా తయారైన ఈ పడవలు, టన్నుల సరుకు మోసుకెళ్లేలా, సైనిక యుద్ధాలకు సజ్జమవుతాయి. సుప్రసిద్ధ నౌకా నిర్మాణ నిపుణుడు బాబు శంకరన్ మార్గదర్శకత్వంలో ఈ ప్రాజెక్టు పూర్తయింది. ఆంగ్లేయులు రాకముందు భారత పడవలు మడగాస్కర్, జాంజిబార్ వరకు విస్తరించాయనే చరిత్రను ఈ ప్రయాణం పునరుద్ధరిస్తుంది.
బాలీ నుంచి నికోబార్ వరకు..
పోర్బందర్ నుంచి జలప్రవేశం పొందిన పడవలు, బాలీ ద్వీపం, వియత్నాం, కంబోడియా గమనించి, నక్కవరం (నికోబార్)లో ఆగి, ఓమాన్కు చేరతాయి. చోళ సామ్రాజ్య కాలంలో ఈ మార్గాల్లో వాణిజ్యం, యుద్ధాలు జరిగాయి. ప్రకతి స్నేహపూర్వక మెటీరియల్స్తో తయారైన ఈ పడవలు, సముద్ర శక్తులను ఎదుర్కొనేలా డిజైన్ చేయబడ్డాయి. ఆధునిక నావికలు పాత టెక్నాలజీని నడిపిస్తూ, నేటి తరానికి చరిత్ర బోధను అందిస్తారు.
సాంస్కృతిక వారసత్వ పునరుద్ధరణ..
ఈ ప్రయాణం భారత సముద్రయాన గొప్పలను ప్రపంచవ్యాప్తంగా ప్రచారం చేస్తుంది. 500 సంవత్సరాల తర్వాత పునరావృతమవుతున్న ఈ సాహసం, ప్రాచీన పద్ధతులు ఇప్పటికీ ప్రస్తుతమవుతాయని నిరూపిస్తుంది. వాణిజ్యం, రక్షణ, సాంస్కృతిక మార్గదర్శకత్వంగా భారతుడు ప్రపంచాన్ని పాలించిన గతాన్ని గుర్తు చేస్తూ, యువతకు స్ఫూర్తినిస్తుంది. ఈ ప్రాజెక్టు ద్వారా భారతీయ నౌకా కళా వస్తువులు అంతర్జాతీయ మహిమను పొందుతాయి.
