ఆదిత్య మాదిరిగానే ఎంబీఏ డిగ్రీ హోల్డర్, 21 సంవత్సరాల రాజేష్ కూడా టీమ్ లీడర్‌గా చేరాడు. రాజేష్ తాను గతంలో అందుకున్న జీతానికన్నా తక్కువ జీతానికి ఈ ఉద్యోగంలో చేరాడు. అతనికి పెళ్లి అవడంతో పాటు ఆరేళ్ల పిల్లవాడు కూడా ఉన్నాడు. ఈ సందర్భంగా రాజేష్ మాట్లాడుతూ ఎంబీఏ లేదా బీఈ చేసిన తర్వాత ఎవరికీ ఉద్యోగాలు రావడం లేదు. మా లాంటివారు రూ. 10,000 కన్నా తక్కువ జీతం వచ్చినా పని చేయడానికి సిద్ధంగా ఉన్నారు. నిరుద్యోగ సమస్యతో పోరాడుతున్న 1500 మందికి పైగా ఉన్నత విద్యావంతులైన అభ్యర్థులు ఈ ఉద్యోగానికి దరఖాస్తు చేసుకున్నారు. అయితే సంస్థ 50 మందికి మాత్రమే ఉద్యోగాలు ఇచ్చింది. కాగా ఎస్ఎస్ టెక్, టర్క్ మీడియా సర్వీసెస్ అసిస్టెంట్ ప్రాజెక్ట్ మేనేజర్ బి రిజ్వాని కటు మాట్లాడుతూ 1000 మంది అభ్యర్థులలో 50 మందిని ఎంపిక చేసి, వారికి శిక్షణ ఇచ్చారని చెప్పారు. గత సంవత్సరం తమిళనాడు అసెంబ్లీలో 14 స్వీపర్ పోస్టులకు 4,600 మంది ఇంజనీర్లు, ఎంబీఏ చేసినవారు, రీసెర్చ్ స్కాలర్స్ దరఖాస్తు చేశారని చెప్పారు.
