Donald Trump : డొనాల్డ్ ట్రంప్ మరికొద్ది రోజుల్లో అమెరికా అధ్యక్షుడిగా ప్రమాణ స్వీకారం చేయనున్నారు. గత ఏడాది నవంబర్ 5న జరిగిన అధ్యక్ష ఎన్నికల్లో ట్రంప్ రికార్డు మెజారిటీతో విజయం సాధించారు. ఆయన తన ప్రత్యర్థి డెమొక్రాటిక్ అభ్యర్థి కమలా హారిస్ను ఓడించారు. ఈ నెల 20న అమెరికా 47వ అధ్యక్షుడిగా డొనాల్డ్ ట్రంప్ ప్రమాణ స్వీకారం చేయనున్నారు. దీనికి సంబంధించిన సన్నాహాలు జోరుగా సాగుతున్నాయి. స్థానిక కాలమానం ప్రకారం మధ్యాహ్నం 12 గంటలకు రాజధాని వాషింగ్టన్ డిసిలో ప్రమాణ స్వీకార కార్యక్రమం ప్రారంభమవుతుంది. 2020 అమెరికా అధ్యక్ష ఎన్నికల ఫలితాల తర్వాత అల్లర్లు చెలరేగాయి. జో బిడెన్ విజయం తర్వాత, ట్రంప్ మద్దతుదారులు జనవరి 6, 2021న కాపిటల్ హిల్పై దాడి చేశారు. ఇప్పుడు డోనాల్డ్ ట్రంప్ అల్లర్లకు కారణమైన వారందరినీ క్షమించాలని ప్రతిజ్ఞ చేశారు.
డొనాల్డ్ ట్రంప్ పదవీ బాధ్యతలు స్వీకరించిన తర్వాత కాపిటల్ అల్లర్లకు సంబంధించిన నేరాలకు పాల్పడిన 1500 మందికి క్షమాభిక్ష పెట్టే అవకాశం ఉందని, వీరిలో దాదాపు 900 మంది నేరాలకు పాల్పడినట్లు అంగీకరించగా, 600 మందికి జైలు శిక్ష విధించబడింది. శిక్షలు 10 రోజుల నుండి 22సంవత్సారాల వరకు ఉంటాయి.
Absolute calamity at the U.S. Capitol. Smoke bombs, tear gas and people infiltrating the building. 30 mins ago some here hijacked this equipment and took flags to the windows.
Others asserting that “1776 has commenced again.” pic.twitter.com/PcKMpuKLT5
— Michael Brice-Saddler (@TheArtist_MBS) January 6, 2021
ఎన్ బీసీ “మీట్ ది ప్రెస్” కార్యక్రమంలో ట్రంప్ మాట్లాడుతూ.. ‘‘మొదటి రోజే క్షమాపణలు జారీ చేయడానికి తాను పని చేస్తానని, నేరాలకు పాల్పడిన, అధికారులపై దాడి చేసిన వ్యక్తులకు క్షమాపణ లభిస్తుందని అన్నారు. వారికి వేరే మార్గం లేదు, క్షమాబిక్షకు అర్హుడు అవుతాడు.’’అని అన్నాడు.
డిసెంబర్లో టైమ్ మ్యాగజైన్తో మాట్లాడుతూ.. “అల్లర్లకు కారణమైన వారికి క్షమాబిక్ష పెట్టే కార్యక్రమం త్వరగా చేయబోతున్నాము. నేను పదవీ బాధ్యతలు స్వీకరించిన మొదటి గంటలోనే ఇది ప్రారంభమవుతుంది” అని అన్నారు. ట్రంప్ కూడా వారిలో ఎక్కువ మంది జైలులో ఉండకూడదని… వారు ఇప్పటికే చాలా బాధపడ్డారని అన్నారు.
నిందితుల పట్ల సానుభూతి
మంగళవారం ఆయన నిందితుల పట్ల సానుభూతి వ్యక్తం చేశారు. హింసాత్మక నేరస్థులకు క్షమాబిక్ష పెడతారా అని అడిగినప్పుడు అల్లర్ల సమయంలో ఆష్లీ బాబిట్ అనే ఒక వ్యక్తి మాత్రమే మరణించాడని చెప్పుకొచ్చారు. ఆధారాలు లేకుండానే నిరసనకారుల మధ్యకు ఎఫ్ బీఐ ఏజెంట్లను పంపి ఉండవచ్చని ట్రంప్ అన్నారు. అల్లర్లు తిరుగుబాటును ప్రేరేపించాలని ఉద్దేశించి ఉంటే, వారు తుపాకులతో వచ్చి ఉండేవారని ప్రతివాదుల న్యాయవాదులు చేసిన వాదనను ఆయన పునరుద్ఘాటించారు. అయితే, కొంతమంది నిరసనకారులు కాపిటల్ ప్రాంగణంలో తుపాకులు తీసుకెళ్లారని న్యాయవాదులు కూడా ఆరోపించారు.
