ప్రస్తుతం ప్రపంచాన్ని గడగడలాడిస్తున్న కరోనా వైరస్ వివిధ రూపాల్లో ఉంటుందని పరిశోధకులు తెలిపారు. ఈ వైరస్ మొత్తం ఏడు రకాలుగా ఉన్నాయని, అందులో నాలుగు రకాలు సాధారణ శ్వాస సంబంధిత ఇబ్బందులను కలగజేస్తాయి. మిగిలిన మూడు రకాల వైరస్ లు శరీరంలోని ఇతర భాగాల్లో ప్రభావితం చూపిస్తూ..మనుషులను ఇబ్బంది పెడతాయి.
ఈ వైరస్ లు వేడి వాతావరణంలో ఉండలేవా? డిసెంబర్ నుంచి మే వరకు ఈ వైరస్లు వ్యాప్తి చెందుతాయా? చల్లటి వాతావరణంలోనే విజృంభిస్తాయా? అంటే అవుననే పరిశోధకులు అంటున్నారు. వైరస్ అత్యధికంగా వ్యాప్తి చెందుతున్న వాతావరణ పరిస్థితుల్ని అధ్యాయనం చేస్తే.. ఈ నిర్ణయానికే రావచ్చంటున్నారు.
కరోనా వైరస్ లలో నాలుగు రకాలు సాధారణ శ్వాస సంబంధిత ఇబ్బందులను కలగజేస్తాయి. ఇవి సీజనల్ గానే వ్యాప్తి చెందుతున్న విషయాన్ని పరిశోధకులు కనిపెట్టారు. సాధారణంగా వ్యాప్తి చెందే నాలుగు రకాల కరోనా వైరస్ సోకిన కేసుల్లో పెద్దవాళ్లలో తొమ్మిది, పిల్లల్లో 20 శాతం వరకు మాత్రమే వైద్యుల చికిత్స అవసరం పడుతుంది. ఈ నాలుగు వైరస్ లు ఎక్కువగా డిసెంబర్ నుంచి మే నెలల మధ్యనే వ్యాప్తి చెందుతున్నాయని పరిశోధకులు తెలిపారు.
