Bihar Election Results 2025: బిహార్ అసెంబ్లీ ఎన్నికల కౌంటింగ్ మొదలైంది. 243 స్థానాల్లో పోలింగ్ జరిగింది. మ్యాజిక్ 130. ఈ ఎన్నికల్లో ఎన్డీఏ, మహాఘట్బంధన్ హోరాహోరీగా తలపడ్డాయి. ఫలితాలు కూడా ఇలాగే ఉంటాయనుకున్నారు. బిహార్ రాజకీయ రంగంలో మళ్లీ ఒక పెద్ద మలుపు తిరిగింది. తాజా అసెంబ్లీ ఎన్నికల ఫలితాలు ఎగ్జిట్ పోల్స్ సూచించిన దిశలోనే సాఫీగా ప్రవహిస్తున్నాయి. ఎన్డీఏ కూటమి 243 స్థానాల్లో 157 స్థానాల ఆధిక్యంతో ప్రభుత్వ ఏర్పాటు దిశగా అడుగులు వేస్తుండగా, మహా ఘట్బంధన్ కేవలం 75 స్థానాల వద్ద ఆగిపోతోంది.
జేడీయూ – బీజేపీ కూటమికి మద్దతు
ప్రజలు సుస్థిరత, అభివృద్ధి, పాలనలో స్థిరత్వాన్ని కోరుకున్నట్టు ఈ ఫలితాలు సూచిస్తున్నాయి. జేడీయూ–బీజేపీ అనుబంధం బిహార్ ఓటర్లకు ఇంకా నమ్మకం కలిగిస్తోందని చెప్పాలి. నితీశ్ కుమార్ నేతృత్వంపై విభేదాలున్నప్పటికీ, ప్రత్యామ్నాయ శక్తిగా మహా ఘట్బంధన్ ప్రజలను ఆకట్టుకోలేకపోవడం స్పష్టమైంది.
కోవిడ్ తర్వాతి పరిణామాల ప్రభావం
ప్రజా ఆరోగ్య, ఉపాధి, వలస కార్మికుల సమస్యలు ఈ ఎన్నికల్లో ప్రధాన చర్చాంశాలుగా నిలిచాయి. అయితే ఎన్డీఏ ఆ సమస్యలకు సమాధానమని, స్థిరమైన పరిపాలన కల్పిస్తుందనే అభిప్రాయం ఆవిర్భవించినట్లు కనిపిస్తోంది. బిహార్లోని గ్రామీణ ప్రాంతాలు కూడా ఈసారి ఎన్డీఏ వైపే మొగ్గు చూపాయి.
నితీశ్కు కొత్త చరిత్ర
íసీఎంగా మళ్లీ పదవీ స్వీకారం చేస్తే, నితీశ్ కుమార్ బిహార్ రాజకీయ చరిత్రలో అరుదైన రికార్డు నెలకొల్పనున్నారు. అనేక దశాబ్దాలుగా బిహార్ పాలనా వ్యూహాలను మార్చిన నాయకుడిగా ఆయనకు ఇది మరో గౌరవదాయక మైలురాయి అవుతుంది. నాలుగోసారి సీఎంగా ప్రమాణ స్వీకారం చేయడం ఖాయం. ఎందుకంటే కేంద్రంలో ఎన్డీఏ ప్రభుత్వం కొనసాగాలంటే.. బిహార్లో నితీశ్ సీఎం కావాల్సిందే.
