Hijab Clinic : ఇరాన్‌లో హిజాబ్ వ్యతిరేకుల కోసం ‘హిజాబ్ క్లినిక్’.. దానిని వ్యతిరేకించడం మానసిక రోగమట.. ఇదెక్కడి పిచ్చిరా నాయనా ?

Hijab Clinic : ఇరాన్ ప్రభుత్వ ఇస్లామిక్ బాడీ టెహ్రాన్‌లో ‘హిజాబ్ క్లినిక్’ని ప్రారంభించనున్నట్లు ప్రకటించింది. మహిళల దుస్తుల కోడ్‌లో తప్పనిసరిగా హిజాబ్‌ను ఉల్లంఘించిన మహిళలకు ఈ ‘హిజాబ్ క్లినిక్’లో చికిత్స అందిస్తారు. దీని ద్వారా ఇరాన్‌లో హిజాబ్‌ను వ్యతిరేకించే వారిని మానసిక రోగులుగా పరిగణించేందుకు అధికారులు కొత్త ఎత్తుగడను అవలంబిస్తున్నారనే ఆరోపణలున్నాయి. టెహ్రాన్‌లో ప్రారంభించిన మొదటి హిజాబ్ క్లినిక్‌కి ఇన్‌ఛార్జ్ మెహ్రీ తలేబి దర్స్తానీ మాట్లాడుతూ.. ఈ క్లినిక్ హిజాబ్ తొలగించే వారికి శాస్త్రీయ, మానసిక చికిత్సను అందజేస్తుందని చెప్పారు.

హిజాబ్ వ్యతిరేకులకు ‘చికిత్స’!
ఇరాన్ మొదటి హిజాబ్ క్లినిక్‌కి ఇన్‌ఛార్జ్ అయిన దర్స్తానీ, ‘హిజాబ్‌ను వ్యతిరేకించే వారికి శాస్త్రీయ, మానసిక చికిత్స కోసం ఈ కేంద్రం ఏర్పాటు చేయబడుతుంది. ముఖ్యంగా టీనేజ్ తరం, యువకులు, తమ సామాజిక, ఇస్లామిక్ గుర్తింపును కాపాడుకునేందుకు మహిళలు ఈ కేంద్రానికి రావడం తప్పనిసరి అని వారు చెప్పారు. గౌరవం, మర్యాద, స్వచ్ఛత మరియు హిజాబ్‌ను ప్రోత్సహించడానికి రోడ్‌మ్యాప్‌తో ఈ ప్రాజెక్ట్ తయారు చేయబడినట్లు చెప్పుకొచ్చారు..

వివాదాల్లో తలేబీ దర్స్తానీ
2023లో రాష్ట్ర టెలివిజన్‌లో బాలల వివాదానికి మద్దతునిచ్చి ప్రచారం చేసిన తలేబి దర్స్తానీ ఇంతకుముందు చాలాసార్లు వివాదాస్పదమైయ్యారు.

మానవ హక్కుల సంఘాల నిరసన
ప్రముఖ ఇరాన్ కార్యకర్తలు, మానవ హక్కుల న్యాయవాదులు హిజాబ్ పట్ల వ్యతిరేకతను ఒక వ్యాధిగా ముద్రించే ప్రభుత్వ ప్రయత్నానికి వ్యతిరేకతను వ్యక్తం చేశారు. ప్రభుత్వం చేస్తున్న ఈ ప్రయత్నం నిరసనను అవమానించడం, వక్రీకరించడం అని వారు అభివర్ణించారు. ఇరాన్ మానసిక సంఘం ప్రజల నిరసనను అణచివేయడానికి మానసిక ఆరోగ్య చికిత్సను ఉపయోగించడాన్ని తప్పుపట్టింది.

నిరసనగా విద్యార్థిని బట్టలు విప్పినప్పుడు!
కొన్ని రోజుల క్రితం.. టెహ్రాన్‌లోని ఒక యూనివర్శిటీ విద్యార్థిని దుస్తుల కోడ్‌ను అమలు చేయడానికి బలవంతపు ప్రయత్నాలకు వ్యతిరేకంగా విశ్వవిద్యాలయ క్యాంపస్‌లో తన బట్టలు విప్పింది. విద్యార్థిని అదుపులోకి తీసుకుని మానసిక వైద్యం కోసం తరలించినట్లు అధికారులు తెలిపారు. దేశంలో మహిళల హక్కులు, జీవించే స్వేచ్ఛ, హిజాబ్ వ్యతిరేక ఉద్యమానికి మద్దతు ఇచ్చేవారిని ఇరాన్ అధికారులు మతోన్మాదులుగా అభివర్ణించారు. ఈ ఉద్యమం సెప్టెంబర్ 2022లో పోలీసు కస్టడీలో మహ్సా అమిని అనే యువతి మరణించిన తర్వాత ప్రారంభమైంది.

హిజాబ్ క్లినిక్ ‘మాస్టర్ మైండ్’ ఎవరు?
ఇరాన్‌లో హిజాబ్ వ్యతిరేకతను మానసిక వ్యాధిగా అభివర్ణించే ప్రయత్నం వెనుక ఉన్న వ్యక్తి సుప్రీం లీడర్ ఖమేనీకి చాలా ప్రత్యేకమైన వ్యక్తి. దర్స్తానీ కార్యాలయం ఇరాన్ ‘ప్రమోషన్ ఆఫ్ వర్చు అండ్ ప్రివెన్షన్ ఆఫ్ వైస్’ ప్రధాన కార్యాలయంలో భాగం. ఈ సంస్థ పని సమాజంలో కఠినమైన మతపరమైన ప్రమాణాలను నిర్వచించడానికి.. అమలు చేయడానికి బాధ్యత వహిస్తుంది. ముఖ్యంగా మహిళలు దుస్తుల కోడ్‌ను అనుసరించాలి.

ఈ విభాగానికి మహ్మద్ సలేహ్ హషేమీ గోల్‌పయ్‌గాని నేతృత్వం వహిస్తున్నారు. ఆయనను సుప్రీం లీడర్ అయతుల్లా అలీ ఖమేనీ నేరుగా నియమించారు. 2023 సంవత్సరంలో అమెరికా, బ్రిటన్, ఈయూ సలేహ్ హష్మీతో పాటు అనేక ఇతర సంస్థలు, వ్యక్తులపై నిషేధం విధించాయి. అతన్ని మానవ హక్కుల ఉల్లంఘనకు పాల్పడినట్లుగా పరిగణించింది. 2022 హిజాబ్ వ్యతిరేక ఉద్యమంలో ప్రభుత్వం తీసుకున్న క్రూరమైన చర్యకు ప్రతిస్పందనగా ఈ చర్య తీసుకున్నారు.