ఇది వర్షాకాలం.. వానలకు అస్సలు దాహం వేయదు..చెమట పట్టదు.. వ్యాయామం చేయాలనిపించదు. శారీరక శ్రమ అంతగా ఉండదు.. వాతావరణం చల్లగా ఉండడంతో నోరూరించే వేడి వేడి పదార్థాలను ఎక్కువగా తినాలని అనిపిస్తుంటుంది. కానీ వర్షకాలంలోకానీ, శీతాకాలంలో కానీ నూనెల్లో వేయించిన పదార్థాలను తినకూడదని ఆరోగ్య నిపుణులు సూచిస్తుస్నారు.
జిహ్వచాపల్యం కోసం ఆహారం తీసుకుంటే అనారోగ్యం పాలవడమే కాకుండా .. బరువు కూడా పెరిగిపోతారని వారు హెచ్చరిస్తున్నారు. అలా వర్షకాలంలో బరువు పెరగకుండా ఉండాలంటే.. వేడి వేడి, నూనెలో వేపే బజ్జీలు, సమోసాలు వంటి ఆహార పదార్థాలకు దూరంగా ఉండాలని సూచిస్తున్నారు. ఇంకా తీపి పదార్థాలు ఎక్కువగా తీసుకోకుండా ఉండటం మంచిందంటున్నారు. అలాగే పార్టీలకు వెళ్లినా.. అక్కడ వెరైటీలు కంటి ముందు కనిపిస్తున్నా.. మితంగా తినాలిని సూచిస్తున్నారు.
నెయ్యిని మొత్తం పక్కనపెట్టేయాలి. నూనెతో తయారు చేసిన పదార్థాలకు దూరంగా ఉండాలి. రాత్రిపూట మితంగా ఆహారం తీసుకోవాలి. ఒకవేళ మాంసాహారం తీసుకుంటే.. పండ్లు, సలాడ్లు, కూరగాయలు తప్పనిసరిగా తీసుకోవాలి. ఇక ఆకుకూరలు, పండ్లు, డ్రై ఫ్రూట్స్ ఎక్కువగా తీసుకోవడం ద్వారా ఆరోగ్యానికి ఎంతో మేలు చేకూరుతుందని ఆరోగ్య నిపుణులు సూచిస్తున్నారు.
