క్రియేటివ్ డైరెక్టర్ తో పాటు బోల్డ్ డైరెక్టర్ అనే నేమ్ ను కూడా సొంతం చేసుకున్న సందీప్ వంగ, అర్జున్‌ రెడ్డితో టాలీవుడ్ లో, కబీర్ సింగ్ తో హిందీలో మొత్తానికి భారీ స్టార్ డమ్ ను తెచ్చుకున్నాడు. ఒక్క సినిమానే రెండుసార్లు తీసి నేషనల్ డైరెక్టర్ రేంజ్ గుర్తింపు తెచ్చుకోవడం ఒక్క సందీప్ రెడ్డికే సాధ్యం అయింది అనుకుంటా. ఇక తన కొత్త సినిమాని బాలీవుడ్ హీరో రణబీర్ కపూర్ తో చేయబోతున్న సంగతి తెలిసిందే. అయితే ఈ సినిమాలో పరిణీతి చోప్రా కథానాయికగా నటించబోతుంది. అయితే, తాజాగా సినీ వర్గాల సమాచారం ప్రకారం ఈ సినిమాలో మరో యంగ్ బ్యూటి కూడా నటించబోతుంది.
Also Read: ఆకట్టుకుంటున్న ‘యానిమల్’ టైటిల్ టీజర్ !
బాలీవుడ్ యంగ్ బ్యూటీ ‘త్రిప్తీ డిమ్రీ’ కూడా ఓ కీలక పాత్రలో నటించబోతుంది. అలాగే సీనియర్ నటుడు అనీల్ కపూర్ – రణబీర్ కపూర్ – బాబీ డియోల్ కాంబినేషన్ మల్టీస్టారర్ మూవీగా రానున్న ఈ సినిమాకి ‘యానిమల్’ అనే టైటిల్ పెట్టారు. క్రేజీ కాంబినేషన్లో రాబోతున్న ఈ సినిమా పై ఇప్పటికే భారీ అంచనాలు ఉన్నాయి. అన్నట్టు ఇప్పటికే ప్రీ-లుక్ టీజర్ లో రణబీర్ కపూర్ వాయిస్ తో బ్యాక్ డ్రాప్ లో కథను కూడా వినిపించారు కూడా. ఇదొక పునర్జన్మల కాన్సెప్ట్ అని ప్రీ-లుక్ టీజర్ చూస్తే అర్ధం అవుతుంది.
Also Read: మా పిల్లల్ని ఆకతాయిలుగా పెంచం – విరుష్క
కాగా ‘హీరో తన తండ్రిని తరువాతి జీవితంలో తన కొడుకుగా జన్మించమని .. ఆ తర్వాత మళ్ళీ తండ్రిగా జన్మించమని కూడా అడుగుతాడు; అంటే.. తండ్రి కొడుకుల మధ్య వచ్చే ఎమోషనల్ డ్రామా ఈ సినిమా. ఇక మునుపెన్నడూ రాని సరికొత్త కాన్సెప్టుతో ఈ సినిమాని తీస్తున్నారని బాలీవుడ్ మీడియాలో బాగా టాక్ నడుస్తోంది. 2021 కానుకగా ప్రకటించిన యానిమల్ టైటిల్ జస్టిఫికేషన్ ఏమిటి ? అసలు కథాకమామీషు ఏమిటి? అనేది తెలియాలంటే ఈ సినిమా నుండి మేకర్స్ క్లారిటీ ఇచ్చేవరకూ ఆగాల్సిందే.
మరిన్ని సినిమా వార్తల కోసం బాలీవుడ్ న్యూస్