Operation Valentine Movie
Varun Tej: టాలీవుడ్ హీరో వరుణ్ తేజ్ గురించి ప్రత్యేకంగా చెప్పాల్సిన అవసరం లేదు. మెగా వారసుడుగా ఇండస్ట్రీలోకి ఎంట్రీ ఇచ్చి తన సత్తా చాటుతున్నాడు. కానీ ఈ మధ్య చెప్పుకోదగ్గ ఒక్క సినిమా కూడా లేదనే చెప్పాలి. ఈయన కెరీర్ లో ఫిదా మూవీ పెద్ద బ్లాక్ బస్టర్ హిట్. కానీ ఈ సినిమా తర్వాత ఆ రేంజ్ సినిమా ఒకటి కూడా లేదు. అయితే ఈయన చేతిలో సినిమాలు ఉన్నా కానీ ఆ సినిమాలు ఆశించిన స్థాయిలో ఫలితాలు సొంతం చేసుకోవడం లేదు.
వరుణ్ తేజ్ తో పాటు సినిమా ఇండస్ట్రీకి వచ్చిన మెగా హీరోలైన రామ్ చరణ్(Ram Charan), అల్లు అర్జున్(Allu Arjun), సాయి ధరమ్ తేజ్ లు ఎక్కువగా కమర్షియల్ సినిమాలు చేయడానికి మొగ్గు చూపిస్తూ ఉంటారు. కొంత ప్రయోగం ఉన్నా కచ్చితంగా పక్కా కమర్షియల్ ఎలిమెంట్స్ సినిమాలో ఉండేలా చూసుకుంటారు. అయితే వరుణ్ తేజ్ మాత్రం వారికి విరుద్దంగా కంటెంట్ బెస్ట్ మూవీస్ ఎక్కువ చేయడానికి ఇష్టపడతారు. మొదటి సినిమా ప్రయోగాత్మక చిత్రంగానే తెరకెక్కింది. తర్వాత కమర్షియల్ లైన్ లోకి వరుణ్ తేజ్ వచ్చిన కూడా డాన్స్ రాకపోవడం వాటి వైపు పెద్దగా దృష్టి పెట్టడం లేదనే మాట వినిపిస్తోంది.
తన బాడీ లాంగ్వేజ్ కి సెట్ అయ్యే కథలు ఎక్కువగా చేయడానికి మొగ్గు చూపిస్తున్నారు. అయితే వరుణ్ తేజ్ కమర్షియల్ సినిమాలకు బిగ్ స్క్రీన్ పై మంచి ఓపెనింగ్స్ వచ్చాయి. ఫిదా ప్యూర్ లవ్ స్టోరీగా చేశాడు. ఈ సినిమా కమర్షియల్ సక్సెస్ అయింది. ఓపెనింగ్స్ తక్కువ వచ్చిన లాంగ్ రన్ లో భారీ వసూళ్లు సాధించింది. అయితే తొలిప్రేమ సినిమా మొదటి రోజు ఏకంగా రూ. 10 కోట్ల గ్రాస్ అందుకుంది. ఆ స్థాయిలో మరల ప్రభావం చూపించిన సినిమాలు వరుణ్ తేజ్ నుంచి రాలేదు. మిస్టర్ మూవీ డిజాస్టర్ అయినా కూడా మొదటి రోజు రూ. 5.75 కోట్ల గ్రాస్ కలెక్ట్ చేసింది.
వరుణ్ తేజ్ ప్రయోగాత్మకంగా చేసిన గని మూవీ మొదటి రోజు కేవలం 4.8 కోట్ల గ్రాస్ వసూళ్లు చేసింది. గత ఏడాది రిలీజ్ అయిన గాండీవ దారి అర్జున్ రూ. 2 కోట్ల గ్రాస్ ని కలెక్ట్ చేసింది. తాజాగా వచ్చిన ఆపరేషన్ వాలంటైన్ మూవీ కూడా మొదటి రోజు రూ. 2 కోట్ల కంటే తక్కువ గ్రాస్ ను కలెక్ట్ చేసింది. అంటే ఈ హీరోకు ప్రయోగాలు చేయాలనే ఇంట్రెస్ట్ ఉన్నా కూడా ఆయనను ఆడియన్స్ పెద్దగా పట్టించుకోవడం లేదనే కామెంట్లు వస్తున్నాయి. ఇక వరుణ్ తేజ్ మట్కా మూవీతో ప్రేక్షకుల ముందుకు రావడానికి సిద్దమవుతున్నాడు. ప్రస్తుతం ట్రెండింగ్ లో ఉన్న మాఫియా బ్యాక్ డ్రాప్ కథతో వస్తుంది ఈ సినిమా. మరి ఈ సినిమా అయినకు మంచి హిట్ ను ఇస్తుందో లేదో చూడాలి.
