టాలీవుడ్లో మోస్ట్ బ్యాచిలర్ గా ఉన్న రానా త్వరలోనే ఓ ఇంటివాడు కాబోతున్నాడు. ఇటీవల తన లవ్ ప్రపోజల్ ను తన ప్రేయసి ఒప్పుకుందని సోషల్ మీడియాలో షేర్ చేయగా మెగాస్టార్ చిరంజీవితోసహా పలువురు విషెస్ తెలిపారు. పలువురు హీరోలు బ్యాచిలర్ పార్టీ ఎప్పుడంటూ సరదాగా వ్యాఖ్యనించారు. దీంతో బళ్లాలదేవురి పెళ్లి ముహూర్తం ఎంతో దూరంలో లేదని తెలుస్తోంది. ఈ నేపథ్యంలోనే రానా ఫియాన్సీ గురించి తెలుసుకునేందుకు తెలుసుకునేందుకు నెటిజన్లు ఆసక్తి చూపుతోన్నారు.
రానా ఫియాన్సీ బ్యాక్ గ్రౌండ్ చూస్తే..
రానా ఫియాన్సి పేరు మిహీక. ఇమె హైదరాబాద్లోనే పుట్టి పెరిగింది. బంటీ-సురేష్ బజాజ్ దంపతుల కూతురు. చెల్సియా యూనివర్సిటీ నుంచి ఇంటీరియల్ డిజైన్లో మాస్టర్ డిగ్రీ చేశారు. మిహీక స్వయంగా డ్యూ డ్రాప్ డిజైన్ స్టూడియోను నడుపుతోంది. ఆమె ఇంటిరియల్ డిజైన్-డెకార్ బిజినెస్ స్పెషలిస్టు. మిహీక ఇన్ స్టాను పరిశీలిస్తే తన అభిరుచులు, ఆసక్తికర విషయాలు వెలుగు చూశాయి. మిహీకకు డిజైనింగ్, కుకింగ్, పుస్తకాలు చదవడం, రాయడం, ట్రావెలింగ్ పై ఆసక్తి ఉన్నట్లు తెల్సింది. మిహీక చిన్నప్పటి నుంచి ఖరీదైన నగరాల్లో డిజైనర్ ప్యాలెస్ ల సందర్శనతో కలర్ ఫుల్ గా కన్పించింది.
మిహీక తల్లి బంటీ ఒక మంచి డిజైనర్. జ్యువెలరీ బ్రాండ్ అయిన క్రిసాలా ఆభరణాల డైరెక్టర్-క్రియేటివ్ హెడ్. తన తల్లి అభిరుచి కారణంగానే మిహీక కూడా డిజైనింగ్ రంగంలోకి వచ్చినట్లు తెలుస్తోంది. తన స్థాపించిన డ్యూడ్రాప్ డిజైన్ స్టూడియో వెనుక తన తల్లి స్ఫూర్తి నిలిచిందని ఇన్ స్ట్రా పోస్టు చేసింది. డ్యూ డ్రాప్ డిజైన్ స్టూడియో వివాహాలు, ఇతర కార్యక్రమాలను నిర్వహిస్తుంది. త్వరలోనే లగ్జరీ గిఫ్టింగ్ కు అంకితమైన సంస్థను ప్రారంభించాలని ప్లాన్ చేస్తోంది. టాలీవుడ్ నిర్మాత సురేష్ బాబు కుమారుడైన రానా ఓ బడా బిజినెస్ మ్యాగ్నట్స్ ను త్వరలోనే పెళ్లి చేసుకునేందుకు రెడీ అవుతోన్నాడు. మొత్తానికి రానా ఓ ఇంటివాడవుతుండటంతో దగ్గుపాటి ఫ్యాన్స్ ఖుషీ అవుతోన్నారు.
