Vijay Devarakonda: స్టార్ హీరో అవ్వాల్సిన విజయ్ దేవరకొండ లెక్క ఎక్కడ తప్పింది..? దానికి కారణం ఎవరు..?

Vijay Devarakonda: పెళ్లి చూపులు సినిమాతో హీరోగా ఇండస్ట్రీకి ఎంట్రీ ఇచ్చిన విజయ్ దేవరకొండ.. ఆ తర్వాత తను చేసిన అర్జున్ రెడ్డి సినిమాతో భారీ సక్సెస్ ను అందుకున్నాడు. ఇక మొదటి రెండు సినిమాలతోనే సూపర్ డూపర్ సక్సెస్ లను అందుకున్నాడు. ఇక ఆ తర్వాత ‘గీత గోవిందం’ సినిమాతో 100 కోట్ల కలెక్షన్స్ సాధించి విజయ్ తొందర్లోనే స్టార్ హీరో గా మారబోతున్నాడు అనే ఒక పేరు ను సంపాదించుకున్నాడు. కానీ విజయ్ చేసిన కొన్ని పనుల వల్ల ఈ లెక్క తప్పింది.

తను చూపించిన ఓవర్ ఆటిట్యూడ్, సినిమాల సెలక్షన్లలో చేసిన మిస్టేక్స్ వల్లే తను ఈరోజు టైర్ టు హీరోగా మిగిలిపోవాల్సి వచ్చింది. లేకపోతే ఇప్పటికీ ఎప్పుడో ఆయన స్టార్ హీరోల పక్కన నిల్చునేవాడు. కానీ చేజేతులారా తన కెరీయర్ ను తనే నాశనం చేసుకున్నాడనే చెప్పాలి. గీత గోవిందం తర్వాత ఆయన చేసిన ఏ సినిమా కూడా ఆయనకు కమర్షియల్ గా వర్కౌట్ అయితే అవ్వలేదు. అయినప్పటికీ ఆయన స్టేజీ ఎక్కినప్పుడు మాట్లాడిన మాటలు కూడా ప్రతి ఒక్క హీరో అభిమానిని తీవ్రం గా కలిచి వేశాయనే చెప్పాలి. ఇక వాళ్ళు విజయ్ సినిమాలు చూడడానికి పెద్దగా ఇంట్రెస్ట్ అయితే చూపించడం లేదు.

ఆయనకు కలెక్షన్స్ కూడా ఆ రకంగా తగ్గిపోయాయి. మిగిలిన హీరోలందరూ వచ్చిన సక్సెస్ లను ఎంజాయ్ చేస్తూ భారీ సక్సెస్ లు కొట్టడానికి ప్రయత్నం చేస్తుంటే, విజయ్ మాత్రం మొదట భారీ సక్సెస్ కొట్టిన తర్వాత ఇప్పుడు చిన్న చిన్న సక్సెస్ లు కొట్టడానికి నానా తంటాలు పడుతున్నాడు. ఇక ఇండస్ట్రీలో ఎంత ఎత్తుకు ఎదిగాం అనే దానికంటే ఎంత అనుకువగా నడుచుకుంటున్నాం అనేది కీలక పాత్ర వహిస్తుంది. ఇక ఇండస్ట్రీ ఇప్పుడున్న మెగాస్టార్, సూపర్ స్టార్, పవర్ స్టార్ లాంటి హీరోలు ఒకటి రెండు సక్సెస్ లతో గర్వం తలకెక్కి ఇష్టం వచ్చినట్టుగా మాట్లాడితే వాళ్లు ఆ స్థాయికి చేరుకునే వారు కాదు. వాళ్ళు ఇండస్ట్రీ లో ఉన్న అందరిని కలుపుకుంటూ సినిమాలు చేసుకుంటూ కాంట్రవర్సీ అనే పదాలకు దూరంగా ఉంటూ వస్తున్నారు.

కాబట్టే వాళ్ళను అభిమానులు ఎక్కువగా ఆదరిస్తున్నారు. సినిమా ఇండస్ట్రీ అంటే సినిమాలు చేసి ప్రేక్షకుడిని అలరించాలి అంతే తప్ప నోటికి వచ్చినట్టుగా మాట్లాడి జనాల్లో బ్యాడ్ అయిపోతే మనల్ని ఆదరించే వారు ఎవరు ఉండరు. ఈ ఒక విషయాన్ని విజయ్ దేవరకొండ ఇప్పటికైనా తెలుసుకుంటే ఆయన స్టార్ హీరోగా మారతాడని చెప్పడంలో ఎంత మాత్రం అతిశయోక్తి లేదు..