విక్టరీ వెంకటేష్ ఫ్యామిలీ హీరోగా ఎంతో మంచి పేరు ప్రఖ్యాతలు సంపాదించుకున్న ఈయన ప్రస్తుతం వరుస సినిమాలతో ఎంతో బిజీగా ఉన్నారు. ఈ క్రమంలోనే వెంకటేష్ నారప్ప చిత్రం ద్వారా మంచి విజయాన్ని అందుకుని ప్రస్తుతం దృశ్యం 2 ద్వారా మరోసారి ప్రేక్షకుల ముందుకు రానున్నారు. ఈ చిత్రం ఈనెల 25న అమెజాన్ ప్రైమ్ లో విడుదల కానుంది. ఈ సందర్భంగా వెంకటేష్ మీడియా సమావేశంలో మాట్లాడుతూ సినిమా గురించి పలు ఆసక్తికరమైన వ్యాఖ్యలు చేశారు.
ఒక సినిమా ఫ్లాప్ అయితే తప్పు ఎక్కడ జరిగింది అనే విషయాన్ని తెలుసుకొని మరొక సినిమాలో ఆ తప్పులు పునరావృతం కాకుండా చూసుకుంటానని ఆయన వెల్లడించారు. ఈ క్రమంలోనే దృశ్యం 3 కూడా రాబోతుందా అనే ప్రశ్న ఎదురుకాగా ఏమో ఆ విషయం గురించి నాకు తెలియదు. ఒకవేళ మరొక సినిమా వచ్చిన అది మరింత ఆలస్యం అవుతుందని సుమారు 4 సంవత్సరాల టైం పట్టొచ్చని అప్పటికి తెల్ల గడ్డంలో కనిపించిన ఆశ్చర్యపోవాల్సిన అవసరం లేదంటూ ఈ సందర్భంగా వెంకటేష్ తన సినిమా గురించి వెల్లడించారు.
