Venkatesh: తెలుగు సినిమా ఇండస్ట్రీలో విక్టరీ వెంకటేష్ కి చాలా మంచి గుర్తింపైతే ఉంది. ఆయన చేసిన సినిమాలు అతన్ని టాప్ లెవల్లో నిల్చోబెట్టాయి. ఇక ఇప్పటివరకు తన సాధించిన విజయాలు ఒకెత్తయితే ఇప్పుడు చేస్తున్న సినిమాలతో మరింత ముందుకు సాగాలనే ప్రయత్నం చేస్తున్నాడు. ఫ్యామిలీ ఆడియన్స్ ను థియేటర్ కి రప్పించిన ఘనత కూడా తనకే దక్కుతుంది. సీనియర్ హీరోలందరిలో వెంకటేష్ టాప్ లెవెల్లో ముందుకు దూసుకెళ్తున్నాడు. కామెడీతో ప్రేక్షకులను మెప్పిస్తూనే ఫ్యామిలీ ఎమోషన్స్ ను బ్యాలెన్స్ చేస్తూ తను సినిమాలను చేస్తూ ఉంటాడు. అలాంటి వెంకటేష్ చేయాల్సిన ఒక మూడు సినిమాలను చిరంజీవి, బాలయ్య, నాగార్జున ముగ్గురు చేసి ప్లాప్ లను మూటగట్టుకున్నారనే విషయం మనలో చాలామందికి తెలియదు…ఇంతకీ ఆ సినిమాలు ఏంటంటే… చిరంజీవి హీరోగా సురేష్ కృష్ణ దర్శకత్వంలో చేసిన ‘డాడీ’ సినిమా కథను మొదట వెంకటేష్ కోసం అనుకున్నారు. కానీ అది అనుకోకుండా చిరంజీవితో చేయాల్సి వచ్చింది. నిజానికి సినిమా ఓకే అనిపించినప్పటికి వెంకటేష్ తో చేసి ఉంటే సినిమా బాగా ఆడుండేదని వెంకటేష్ స్వయంగా చిరంజీవికి చెప్పారట.
ఈ విషయాన్ని చిరంజీవి ఒక ఈవెంట్లో బహిరంగంగా చెప్పడం వాళ్ళిద్దరి మధ్య ఉన్న ఫ్రెండ్షిప్ కి నిదర్శనం అనే చెప్పాలి… ఇక బాలయ్య బాబు హీరోగా ఇవివి సత్యనారాయణ దర్శకత్వంలో వచ్చిన ‘గొప్పింటి అల్లుడు’ సినిమా మొదట వెంకటేష్ కోసం అనుకున్నారు.
కానీ వెంకటేష్ డేట్స్ లేకపోవడం వల్ల బాలయ్య బాబుతో చేయాల్సి వచ్చింది. అయితే ఆ సినిమాలో వెంకటేష్ కోసం మొదలు కామెడీ ట్రాక్ ని రాసుకున్నారు. కానీ బాలయ్య బాబు హీరో అవ్వడంతో ఆ ట్రాక్ మొత్తాన్ని చేంజ్ చేయడం వల్ల సినిమాలో సోల్ చెడిపోయి సినిమా ఆశించిన మేరకు విజయాన్ని సాధించలేదు…నాగార్జున హీరోగా కె ఎస్ రవికుమార్ దర్శకత్వంలో వచ్చిన ‘బావ నచ్చాడు’ సినిమా సైతం మొదట వెంకటేష్ తో చేయాలనుకున్నారు. కానీ ఈ మూవీ కూడా వెంకటేష్ చేయకపోవడంతో నాగార్జున దగ్గరికి వెళ్ళింది.
ఈ సినిమా కూడా ప్రేక్షకులను పెద్దగా ఎంగేజ్ చేయలేకపోయింది. మొత్తానికైతే విక్టరీ వెంకటేష్ చేయాల్సిన జానర్ లో ఈ ముగ్గురు హీరోలు సినిమాలను చేసి డిజాస్టర్ లను మూట గట్టుకున్నారు. ఇక ఫ్యామిలీ ఆడియన్స్ ను మెప్పించాలంటే అది వెంకటేష్ వల్ల మాత్రమే అవుతుందని ఆయన ప్రతిసారి ప్రూవ్ చేసుకుంటూ వస్తున్నారు…
