పవర్ స్టార్ పవన్ కల్యాణ్ రీ ఎంట్రీ మూవీ ‘వకీల్ సాబ్’. ఈ చిత్రానికి సంబంధించిన ఫస్టు లుక్ ఇటీవల విడుదలైన సంగతి తెల్సిందే. కొన్నేళ్లుగా పవర్ స్టార్ మూవీ కోసం ఎదురుచూస్తున్న అభిమానులు కళ్లుకాయలు కాసేలా ఎదురుచూస్తున్నారు. ‘వకీల్ సాబ్’ పోస్టర్ రిలీజ్ కాగానే అభిమానులు లైక్ లు, షేర్లలో సోషల్ మీడియాను హడలెత్తించారు. దీంతో ‘వకీల్ సాబ్’ ఒక్కసారిగా ట్రెండింగ్లోకి దూసుకెళ్లింది. శుక్రవారం ఈ మూవీలోని ‘మగువా…మగువా’ సాంగ్ టీజర్ రిలీజ్ చేసి మార్చి 8న పూర్తి సాంగ్ రిలీజ్ చేయనున్నట్లు చిత్రబృందం ప్రకటించింది.
జాతీయ మహిళా దినోత్సవం సందర్భంగా మహిళల కోసం ఒక స్పెషల్ సాంగ్ ను చిత్రబృందం రెడీ చేసింది. ఈ పాటకు రామజోగయ్య శాస్త్రి లిరిక్ అందించారు. సిధ్ శ్రీరామ్ ఆలపించిన ఈ పాట ప్రస్తుతం వైరల్ అవుతోంది. ఎస్.ఎస్.థమన్ బాణీలను అందించాడు. దిల్ రాజు-బోనీకపూర్ నిర్మిస్తున్న ‘వకీల్ సాబ్’ మూవీకి ఆదిత్య శ్రీరామ్ దర్శకత్వం వహిస్తున్నారు.
‘మగువా మగువా లోకానికి తెలుసా నీ విలువా.. మగువా మగువా నీ సహనానికి సరిహద్దులు కలవా!’ అంటూ సాగే లిరికల్ సాంగ్ అభిమానులను విశేషంగా ఆకట్టుకుంటుంది. మహిళల గొప్పతనాన్ని వివరించేలా మహిళా దినోత్సవం రోజున ‘వకీల్ సాబ్’ మూవీ సాంగ్ రిలీజ్ చేయడంతో మహిళలు హర్షం వ్యక్తం చేస్తున్నారు. ఈ సాంగ్ ప్రస్తుతం యూట్యూబ్లో వైరల్ గా మారింది. యూట్యూబ్లో సరికొత్త రికార్డులు తిరగరాయడం ఖాయంగా కన్పిస్తుంది. వేసవిలో మూవీని రిలీజ్ చేసేందుకు నిర్మాతలు సన్నహాలు చేస్తున్నారు.
