Ustaad Bhagat Singh Ugadi Release Date 2026: పవన్ కళ్యాణ్(Deputy CM Pawan Kalyan) అభిమానులు ఎప్పుడెప్పుడా అని వెయ్యి కళ్ళతో ఎదురు చూసిన ‘ఉస్తాద్ భగత్ సింగ్'(Ustaad Bhagat Singh) చిత్రం ఈ నెల 26 న విడుదల అవ్వబోతున్నట్టు మేకర్స్ ఇప్పటికే అధికారిక ప్రకటన చేసిన సంగతి తెలిసిందే. కానీ ఇప్పుడు ఆ నిర్ణయం మార్చుకున్నారు. చెప్పిన తేదికంటే వారం రోజుల ముందే ఈ సినిమాని విడుదల చేయడానికి సిద్ధమ్మయ్యారు. అంటే మార్చి 19 న , ఉగాది రోజున ఈ సినిమా విడుదల కాబోతుంది అన్నమాట . పాన్ ఇండియా లెవెల్ లో విపరీతమైన క్రేజ్ ని సంపాదించుకున్న ‘ధురంధర్ 2’ తో ఈ చిత్రం పోటీ పడనుంది. వాస్తవానికి ఈ తేదీన యాష్ ‘టాక్సిక్ ‘ చిత్రం విడుదల అవ్వాలి. కానీ ఆ సినిమా వాయిదా పడడంతో మేకర్స్ క్షణం కూడా ఆలోచించకుండా ‘ఉస్తాద్ భగత్ సింగ్’ ని విడుదల చేయడానికి రెడీ అయ్యారు.
అయితే విడుదల తేదీ ప్రకటిస్తే సరిపోదు, దానికి తగ్గ వర్క్ కూడా మేకర్స్ చేయాల్సి ఉంటుంది. ఇప్పటి వరకు ఈ సినిమా పై ఫ్యాన్స్ లోనే సరైన బజ్ క్రియేట్ అవ్వలేదు. విడుదల చేసిన ప్రమోషనల్ కంటెంట్స్ లో కేవలం ‘దేఖ్లేంగే సాలా ‘ సాంగ్ ఒక్కటే హిట్ అయ్యింది. రీసెంట్ గా విడుదల చేసిన #AuraOfUstaad సాంగ్ మాత్రం డిజాస్టర్ రెస్పాన్స్ ని సొంతం చేసుకుంది. మనం 2026 వ సంవత్సరం లో ఉన్నాం, ఇప్పటికీ హీరోకి భజన చేసే పాటలు, సినిమాలు తీస్తే ఎలా ?, ‘ఓజీ ‘ చిత్రాన్ని చూసిన తర్వాత కూడా మార్పు చెందకపోతే ఎలా అని అభిమానులు సైతం డైరెక్టర్ పై విరుచుకుపడ్డారు. దీంతో ఇప్పుడు ఈ సినిమాకు పాజిటివ్ బజ్ క్రియేట్ చేయడమే పెద్ద సవాల్ గా మారింది. అంతే కాకుండా ఇంకా ఈ చిత్రం నుండి రెండు పాటలు , టీజర్ , ట్రైలర్, ప్రీ రిలీజ్ ఈవెంట్, ఇంటర్వూస్ ఇవన్నీ రావాలి.
సమయం పట్టుమని 14 రోజులు కూడా లేదు. సెన్సార్ ఎప్పుడు చేస్తారు, ఓవర్సీస్ కి ఎప్పుడు కాపీ పంపుతారు ?, అని అభిమానులు అడుగుతున్నాను. ఇకపోతే ఈ చిత్రానికి సంబంధించిన టీజర్ ని రేపు విడుదల చేసే అవకాశం ఉంది. నేడు మూవీ టీం ఈ టీజర్ కి పవన్ కళ్యాణ్ డబ్బింగ్ కోసం మంగళగిరి కి వెళ్లారు. దీనికి సంబంధించిన అప్డేట్ కూడా నేడు రావొచ్చు. రాబోయే రోజుల్లో ఈ సినిమాపై బజ్ పెరిగేలా మేకర్స్ ఏమి చేయబోతున్నారో చూడాలి. ప్రస్తుతం తమన్ సారథ్యం లో రీ రికార్డింగ్ వర్క్ జరుగుతుంది. ఈ శనివారం నుండి పవన్ కళ్యాణ్ డబ్బింగ్ చెప్పబోతున్నాడు. మార్చి 10 లోపు ఈ సినిమాకు సంబంధించిన వర్క్ మొత్తం పూర్తి చెయ్యాలని చూస్తున్నారు. ఇది ఎంత వరకు సాధ్యం అవుతుందో చూడాలి.
ఈ ఉగాదికి ఉస్తాద్ ఊచకోత
Our USTAAD arrives a week early to spark Massive celebrations at the box office #UstaadBhagatSingh GRAND RELEASE WORLDWIDE ON 19th MARCH, 2026.#UBSOnMarch19th pic.twitter.com/xpQ6qOMr0Z
— Ustaad Bhagat Singh (@UBSTheFilm) March 5, 2026
