Ustaad Bhagat Singh Latest Poster: పవన్ కళ్యాణ్(Deputy CM Pawan Kalyan) ని అభిమానులు ఎంత గొప్పగా చూపించాలని కోరుకుంటారు, వాళ్ళ అంచనాలకు మించి చూపించే డైరెక్టర్ హరీష్ శంకర్. ‘గబ్బర్ సింగ్’ చిత్రం లో పవన్ కళ్యాణ్ ని ఒక డైనమైట్ లాగా చూపించాడు. ఆ సినిమాలో స్టోరీ పెద్దగా లేకపోయినా, పవన్ కళ్యాణ్ నటన, ఆయన స్క్రీన్ ప్రెజెన్స్ సినిమాని మరో లెవెల్ కి తీసుకెళ్లింది. అందుకే హరీష్ శంకర్ దర్శకత్వం లో పవన్ కళ్యాణ్ ఇంకో సినిమా చేస్తే బాగుంటుందని చాలా గట్టిగా కోరుకున్నారు ఫ్యాన్స్. వాళ్ళ కోరికకు తగ్గట్టుగానే ‘ఉస్తాద్ భగత్ సింగ్'(Ustaad Bhagat Singh) చిత్రం వీళ్లిద్దరి కాంబినేషన్ లో ఫిక్స్ అయ్యింది. ఎట్టకేలకు షూటింగ్ కార్యక్రమాలు మొత్తం పూర్తి చేసుకున్న ఈ చిత్రం మార్చి 26 న ప్రేక్షకుల ముందుకు రాబోతుంది. ఈ సందర్భంగా ఈ చిత్రానికి సంబంధించిన అప్డేట్స్ ని ఒక్కొక్కటిగా రిలీజ్ చేయడానికి సిద్ధమవుతోంది మూవీ టీం.
అందులో భాగంగా కాసేపటి క్రితమే ఈ చిత్రం నుండి ఒక పోస్టర్ ని విడుదల చేశారు. ఇందులో పవన్ కళ్యాణ్ స్టైలింగ్, లుక్ ని చూసి అభిమానులు మురిసిపోతున్నారు. తాము హరీష్ శంకర్ పై పెట్టుకున్న నమ్మకానికి తగ్గట్టుగా ఎక్కడా తగ్గకుండా పవన్ కళ్యాణ్ ని చాలా బాగా చూపించాడని అంటున్నారు. జల్సా చిత్రం లో కూడా సరిగ్గా ఇలాంటి ఫోజు ఒకటి ఉంటుంది. మళ్లీ ఆ రోజులు గుర్తు చేసావు అంటూ హరీష్ శంకర్ ని పొగడ్తలతో ముంచి ఎత్తుతున్నారు. ఇకపోతే ఈ ఫోటో రెండవ పాటకు సంబంధించినది అట. రీసెంట్ గానే చంద్రబోస్ తో ఒక పాట రాయించారు కదా, ఈరోజు విడుదల చేసిన ఫోటో ఆ పాటలోని స్టిల్ అని అంటున్నారు. పవన్ కళ్యాణ్ కెరీర్ లో ఇంట్రడక్షన్ సాంగ్స్ అంటే జల్సా , అత్తారింటికి దారేది, గబ్బర్ సింగ్ టైటిల్ సాంగ్స్ టాప్ లిస్ట్ లో ఉంటాయి.
ఈ పాటల్లో ఆయన క్యారక్టర్ ని తెలిపే విధంగా లిరిక్స్ ఉంటాయి. త్వరలో విడుదల చేయబోయే పాట కూడా అదే రేంజ్ లో ఉంటుందట. ఇప్పటికే ఈ చిత్రం నుండి ‘దేఖ్ లేంగే సాలా’ పాట విడుదలై మంచి రెస్పాన్స్ ని తెచ్చుకుంది. ట్యూన్ రొటీన్ గా ఉన్నప్పటికీ, పాటలో పవన్ కళ్యాణ్ లుక్స్, స్టైల్, డ్యాన్స్ అన్ని అదిరిపోవడంతో పాట సూపర్ హిట్ అయిపోయింది. కానీ ఈ పాటకు ట్యూన్ కూడా అదిరిపోయిందట. పవన్ కళ్యాణ్ డ్యాన్స్ కూడా చాలా ఎనర్జీ తో ఉంటుందని టాక్. అంతే కాకుండా త్వరలోనే రెండవ పాటకు సంబంధించిన పోస్టర్ ని, విడుదల తేదీ తో సహా ప్రకటిస్తారని అంటున్నారు.
It begins ❤️
Raise your hands in joy and cheer for our USTAAD
POWER STAR @PawanKalyan & Cult Captain @harish2you are coming with a massive feast #UstaadBhagatSingh updates Blast soon!
POWER STAR @PawanKalyan @harish2you @sreeleela14 #RaashiiKhanna @ThisIsDSP… pic.twitter.com/R53exrOVva
— Ustaad Bhagat Singh (@UBSTheFilm) January 25, 2026
