Harish Shankar reaction: ‘మిరపకాయ్’, ‘గబ్బర్ సింగ్’, ‘సుబ్రహ్మణ్యం ఫర్ సేల్’, ‘గడ్డలకొండ గణేష్’ వంటి చిత్రాలు చూసి , హరీష్ శంకర్(Harish shankar) భవిష్యత్తులో గొప్ప మాస్ కమర్షియల్ డైరెక్టర్ అవుతాడని అంతా అనుకున్నారు. కానీ మిస్టర్ బచ్చన్ తర్వాత ఇతని కెరీర్ మొత్తం తలక్రిందులు అయ్యింది. ఆ సినిమా ప్రొమోషన్స్ సమయం ఇతని నోటి దూల చేసిన నష్టం అంతా ఇంతా కాదని సినీ పరిశ్రమ లో విశ్లేషకులు సైతం అంటుంటారు. ఇక ‘మిస్టర్ బచ్చన్’ ని ఆయన డీల్ చేసిన విధానం చూసి , ఇతని బుర్ర 2010 దగ్గరే ఆగిపోయింది , అలాంటిది పవన్ కళ్యాణ్(Deputy CM Pawan Kalyan) లాంటి బిగ్గెస్ట్ సూపర్ స్టార్ తో సినిమా అంటున్నారు , దాని పరిస్థితి ఏంటో అని అభిమానులు కూడా బెంగ పెట్టుకున్నారు. వాళ్ళు ఊహించినట్టుగానే పవర్ స్టార్ కెరీర్ లోనే అత్యంత దారుణమైన ఫ్లాప్ గా నిల్చింది ఈ చిత్రం.
ఈ సినిమా ఫెయిల్యూర్ కి ముమ్మాటికీ హరీష్ శంకర్ బాధ్యుడు. నాని , విజయ్ దేవరకొండ వంటి మీడియం రేంజ్ హీరోలు కూడా, హై క్వాలిటీ సినిమాలు చేస్తూ, పాన్ ఇండియా వైపు టార్గెట్ చేస్తున్నారు. ఇక పవన్ కళ్యాణ్ తోటి స్టార్ హీరోలైతే, ఒక్కొక్కరు వెయ్యి కోట్ల గ్రాస్ ని కొల్లగొట్టేంత విలువైన ప్రాజెక్ట్స్ చేతుల్లో పెట్టుకున్నారు. ఇలాంటి పీక్ పోటీ వాతావరణం ఉన్నప్పుడు ఎలాంటి సినిమాలు తియ్యాలి?, పాన్ ఇండియా లెవెల్ లో , ఇంటర్నేషనల్ స్టాండర్డ్స్ తోనే సినిమాలను తియ్యాలి. కానీ ఇతను అది చెయ్యలేదు. హీరో కి భజన చెయ్యడమే కంటెంట్ గా భావించి, ఆరంభం నుండి ఎండింగ్ వరకు థియేటర్స్ లో కూర్చున్న ఆడియన్స్ కి చుక్కలు చూపించాడు. 2026 లో ఉన్నాం మనమంతా. ఈ కాలం లో కమర్షియల్ సినిమాలను ఆదరించడమే బాగా తగ్గించేశారు జనాలు , అలాంటిది హీరోకు భజన చేస్తూ సినిమా చేస్తే ఎవరు చూస్తారు చెప్పండి.
దానికి తోడు ఇతని నోటి దూల కూడా ‘ఉస్తాద్ భగత్ సింగ్’ చిత్రం పై బోలెడంత నెగెటివిటీ ఏర్పడేలా చేసింది . పైగా గత మూడేళ్ళ నుండి ఈ చిత్రం తమిళం లో సూపర్ హిట్ గా నిల్చిన తేరి కి రీమేక్ అంటూ ప్రచారం జరిగింది. దీనిపై అప్పట్లో స్పష్టత ఇవ్వడానికి కూడా ఇష్టపడలేదు హరీష్ శంకర్. అతను చేసిన ఈ పొరపాటు కూడా ఈ సినిమా ఫెయిల్యూర్ కి ప్రధాన కారణం. ఇన్ని తప్పులు , పొరపాట్లు తనవైపు పెట్టుకొని, వాటిని మార్చుకునే ప్రయత్నం చేస్తున్నాడా అంటే అది కూడా లేదు. నేడు ఆయన ‘పాపం ప్రతాప్’ అనే మూవీ ప్రీ రిలీజ్ ఈవెంట్ కి వచ్చాడు. ఈ ఈవెంట్ లో ఆయన మాట్లాడుతూ ‘ఇందాక యాంకర్ స్రవంతి నన్ను పాపం హరీష్ అంటూ సంబోధించింది . నేను అది విని నా సినిమా రీసెంట్ గా సరిగా ఆడలేదు కదా , అందుకే అలా పిలిచిందేమో అని అనుకోని ఫీల్ అయ్యాను. కానీ ఈ ఈవెంట్ కి వచ్చిన ప్రతీ ఒక్కరిని ఆమె అలాగే పిలిచింది. అప్పుడు మనల్ని టార్గెట్ చెయ్యలేదులే అని సంతోషించాను’ అంటూ చెప్పుకొచ్చాడు. అసలే బాధలో ఉన్న పవన్ కళ్యాణ్ ఫ్యాన్స్ గాయాలపై కారం చల్లినట్టు ఇలాంటి వ్యాఖ్యలు చేయడం అవసరమా అంటూ సోషల్ మీడియా లో డైరెక్టర్ హరీష్ శంకర్ పై ఒక రేంజ్ లో ట్రోల్స్ పడుతున్నాయి.
