Ustaad Bhagat Singh Censor Talk: మరో 9 రోజుల్లో విడుదల కాబోతున్న పవన్ కళ్యాణ్(Deputy CM Pawan Kalyan) ‘ఉస్తాద్ భగత్ సింగ్ ‘(Ustaad Bhagat Singh) సెన్సార్ కార్యక్రమాలు నేడు కాసేపటి క్రితమే పూర్తి అయ్యాయి. ఈ చిత్రానికి సెన్సార్ సభ్యులు క్లీన్ U/A సర్టిఫికేట్ ఇచ్చారు. ఈ సినిమాకు సెన్సార్ సభ్యులు తిట్లేమార్చమని అభ్యంతరం వ్యక్తం చేస్తారేమో అని అంతా అనుకున్నారు. అందుకు కారణం స్వాతంత్ర సమరయోధుడి టైటిల్ పెట్టడం వల్లే. ఈమధ్య కాలంలో అనేక సినిమాలకు ఇలాగే టైటిల్ మార్చిన సందర్భాలు ఉన్నాయి. కానీ ఈ చిత్రానికి భయపడినట్టు ఏది జరగలేదు. పవన్ కళ్యాణ్ గత చిత్రానికి A సర్టిఫికేట్ రావడం వల్ల అభిమానులు కాస్త నిరాశకు గురయ్యారు. కారణం మల్టీ ప్లెక్స్ థియేటర్స్ లో ఏజ్ లిమిట్ ఉంటుంది కాబట్టి. కానీ ‘ఉస్తాద్ భగత్ సింగ్ ‘ చిత్రానికి U/A ఇవ్వడం తో ఏజ్ లిమిట్ లేకుండా ప్రతీ ఒక్కరు ఈ సినిమాని చూడొచ్చు కాబట్టి ఫ్యాన్స్ సంతోషిస్తున్నారు.
ఇక టాక్ విషయానికి వస్తే ఈ చిత్రం లో పవన్ కళ్యాణ్ ని చాలా గొప్పగా చూపించాడట డైరెక్టర్ హరీష్ శంకర్. ఆయనకు సంబంధించిన ఎలివేషన్ సన్నివేశాలన్నీ బాగా పేలినట్టు తెలుస్తోంది. చాలా కాలం తర్వాత పవన్ కళ్యాణ్ ఎనర్జీ తో ఈ సినిమాలో నటించాడని, ఆయన మార్క్ కామెడీ టైమింగ్, సింగిల్ లైన్ డైలాగ్స్ , యాక్షన్ సన్నివేశాలు బాగా పేలాయని అంటున్నారు. అదే కనుక జరిగితే కచ్చితంగా ఈ చిత్రం ఇండస్ట్రీ రికార్డ్స్ ని బద్దలు కొడుతుంది అనడం లో ఎలాంటి సందేహం లేదు. చాలా మంది ఈ చిత్రాన్ని తమిళంలో సూపర్ హిట్ గా నిల్చిన ‘తేరి ‘ కి రీమేక్ అంటూ ప్రచారం చేశారు, కానీ సెన్సార్ రివ్యూ అయ్యాక అందులో ఎలాంటి నిజం లేదని తెలుస్తోంది.
Also Read: ‘వారణాసి’ లో ‘నాటు నాటు ‘ రేంజ్ సాంగ్..? ఫ్యాన్స్ వెర్రిక్కిపోయే అప్డేట్ చెప్పిన కొరియోగ్రాఫర్!
అయితే ఈమధ్య కాలం లో ఇలాగే అనేక సినిమాలకు సెన్సార్ బోర్డు నుండి పాజిటివ్ టాక్ రావడం , కానీ విడుదల అయ్యాక అంచనాలు తప్పడం వంటివి మనమంతా చూసాము. ఉస్తాద్ భగత్ సింగ్ కూడా ఆ కోవకు చెందిన సినిమానేనా అనే భయం కాస్త అభిమానుల్లో ఉన్నది. ఈ సినిమాకు ఉన్న అతి పెద్ద ప్లస్ పాయింట్ ఏంటంటే రన్ టైం. కేవలం 2 గంటల 29 నిమిషాల నిడివి మాత్రమే ఉంటుందట. అభిమానులు , ప్రేక్షకులు బోర్ ఫీల్ అవ్వరు, యావరేజ్ రేంజ్ లో తీసినా పాజిటివ్ టాక్ వస్తుంది అంటూ సోషల్ మీడియా లో విశ్లేషకులు కామెంట్స్ చేస్తున్నారు. ఇకపోతే ఈ చిత్రం నుండి ‘కాలరే ఎత్తరా’ పాటకు సంబంధించిన ప్రోమో వీడియో ని నేడు విడుదల చేయబోతున్నారు మేకర్స్. ఈ పాటలో పవన్ కళ్యాణ్ డ్యాన్స్ అదరగొట్టినట్టు సెన్సార్ నుండి టాక్ వచ్చింది.
