మెగాపవర్ స్టార్ రాంచరణ్ భార్య, మెగా కోడలు ఉపాసన పుట్టింట్లో విషాదం నెలకొంది. బుధవారం ఉదయం ఉపాసన తాతయ్య కామినేని ఉమాపతిరావు(92) బుధవారం తుదిశ్వాస విడిచారు. ఈ సందర్భంగా ఉపాసన తన తాతయ్యను మిస్సవుతున్నానంటూ తన ట్వీటర్లో పోస్టు చేసింది. తాతయ్య కె.ఉమాపతి రావు (జూన్ 15, 1928-మే 27,2020) గొప్ప విలువలు, నిస్వార్థం, మానవతా మూర్తి అని కొనియాడారు. ఆయనకు హస్య చతురత కూడా ఎక్కువేనని గుర్తుచేసుకున్నారు. అంతేకాకుండా ఆయన ఊర్దూలో గొప్ప రచనలు చేశారని తెలిపారు. ఆయన రచనల గురించి ప్రత్యేక్కంగా చెప్పనక్కర్లేదని పేర్కొన్నారు.
నిజామాబాద్ లోని దోమకొండకు చెందిన ఉమాపతిరావు ఐఏఎస్ ఆఫీసర్ గా విధులు నిర్వహించారు. టీటీడీ తొలి ఈవోగా బాధ్యతలు చేపట్టారు. ఎన్నో సేవా కార్యక్రమాలు చేపట్టారని తెలిపారు. తాతయ్య తనకిచ్చిన స్ఫూర్తిని ఎల్లప్పుడు తలుచుకుంటానని ఆమె భావోద్వేగానికి గురయ్యారు. తాతయ్య ఆత్మకు శాంతి చేకూరాలంటూ ట్వీట్ చేశారు. దీంతో మెగా అభిమానులకు ఉపాసన తాతయ్య ఆత్మకు శాంతి చేకూరాలని కామెంట్లు పెడుతున్నారు. ఉపాసన కూడా తన తాతయ్యలాగే పేదవారికి వీలైనంత వరకు సాయం చేస్తూ అందరినీ మన్నలను పొందుతుంటారు. ఉమాపతిరావు కుటుంబానికి నెటిజన్లు ప్రగాఢ సానుభూతిని వ్యక్తం చేస్తున్నారు.
