Upasana: ఉపాసన కొణిదెల.. హీరోయిన్ ల మాదిరి ఈమెకు కూడా మంచి ఫ్యాన్ ఫాలోయింగ్ ఉంది. సోషల్ మీడియాలో ఫుల్ ఫాలోయింగ్ సంపాదించిన ఈ కొణెదెల కోడెలు మంచి మనసుతో మరింత ఫేమస్ అయింది. మెగాస్టార్ చిరంజీవి కోడలుగా, ప్రతాపరెడ్డి మనవరాలు గానే కాదు.. గ్లోబల్ స్టార్ రామ్ చరణ్ భార్యగా, ఒక సమాజ సేవకురాలిగా తనకంటూ ప్రత్యేకమైన గుర్తింపును సంపాదించింది. ప్రస్తుతం అపోలో బాధ్యతలు చూసుకుంటున్న ఉపాసన నిత్యం సోషల్ మీడియాలో యాక్టివ్ ఉంటుంది.
సోషల్ మీడియాలో ప్రజల కోసం ఆరోగ్యం గురించిన వీడియోలను పోస్ట్ చేస్తూ ఉంటుంది. ఇక ఈ మధ్య ఒక ఇంటర్వ్యూలో పాల్గొన్న కొణిదెల కోడలు.. రామ్ చరణ్, క్లింకార మధ్యన ఉన్న బాండింగ్ గురించి ఆసక్తికర వ్యాఖ్యలు చేసింది. అమ్మాయిలు నాన్న కూచి అంటారు అది నిజమేనా అని అడిగితే.. దానికి సమాధానమిస్తూ అది కచ్చితంగా నిజమైన స్టేట్మెంట్.. అంతేకాదు నా కూతురు విషయంలో కూడా ఇది పక్కాగా జరుగుతుంది. నా కూతురుకు చరణ్ కు ఉన్న బాండింగ్ చూస్తే జలసీగా అనిపిస్తుంటుంది అని తెలిపింది.
తండ్రిని చూడగానే క్లింకారా కళ్లల్లో స్పార్క్ కనిపిస్తుంది. ఆమె మొహంలో వెలుగు కనిపిస్తుంది. నాకు అదంతా చూసి జెలసీ వస్తుందని.. ఇక వెంటనే హే కమాన్ అనుకుంటూ ఉంటాను అని ఫన్నీగా సమాధానం చెప్పింది ఉపాసన. ఇక పదేళ్ల తర్వాత తల్లిదండ్రులు అయ్యారు కదా ఎలా ఫీల్ అవుతున్నారు అంటే తల్లి కావడం చాలా గ్రేట్ అంటూ ఫీల్ అయింది. అంతే కాదు నేను మాత్రం డబుల్ గ్రేట్ అని ఫీల్ అవుతున్నాను. ఎందుకంటే ఇంకా ఎప్పుడు బిడ్డకు జన్మనిస్తారు? అనే మాటలు చాలా విన్నాను అంటూ బాధ పడింది.
ఏమైనా సమస్య ఉందా అనే ప్రశ్న ఎదురైనప్పుడు చాలా ఇబ్బందిగా ఫీల్ అయ్యేదాన్ని అని చెప్పింది. అయితే మేము అన్ని విధాల సిద్ధంగా ఉన్నప్పుడే బిడ్డను కనాలి అనుకున్నామని చెప్పుకొచ్చింది. అందుకే ఇన్నాళ్లు పట్టిందని ఉపాసన చేసిన కామెంట్లు తెగ వైరల్ గా మారాయి. మొత్తం మీద క్లింకార నాన్న కుట్టి అన్నమాట. ఇక దీన్ని చూసి ఉపాసన కూడా జెలసీ అవుతుంది అన్నమాట. ఇలా ఉపసాన ఫన్నీ మాటలు విన్న మెగా అభిమానులు ఆనందం వ్యక్తం చేస్తున్నారు.
