Top 10 South Movies
Top 10 South Movies: చిన్న సినిమాలే కానీ ప్రేక్షకుల మీద పెద్ద ప్రభావం చూపాయి. గొప్ప అనుభూతిని పంచాయి. సినిమా అంటే ఇది కదా అనేలా తెరకెక్కాయి. కాన్సెప్ట్ ఓరియెంటెడ్ చిత్రాలకు సౌత్ ప్రతీకగా నిలిచింది. తెలుగు, తమిళ, మలయాళ, కన్నడ భాషలకు చెందిన ఈ పది సినిమాలు అద్భుతమైనవి. వీటిని ప్రతి సినిమా లవర్ ఖచ్చితంగా చూడాలి అవేమిటో చూద్దాం…
దర్శకుడు త్యాగరాజన్ తెరకెక్కించిన సూపర్ డీలక్స్ మూవీ ప్రేక్షకులకు కొత్త అనుభూతిని పంచింది. సొసైటీలోని వివిధ రకాల మనుషులు, వారి ఇబ్బందులను నాటకీయంగా చెప్పడం జరిగింది. సమంత బోల్డ్ సన్నివేశాల్లో నటించింది. విజయ్ సేతుపతి, ఫహద్ కీలక రోల్స్ చేశారు.
దర్శకుడు నాగ్ అశ్విన్ ప్రాణం పెట్టి తెరకెక్కించిన చిత్రం మహానటి. లెజెండరీ హీరోయిన్ సావిత్రి జీవిత కథ ఆధారంగా తెరకెక్కింది. సావిత్రిని మురిపించిన కీర్తి సురేష్ నేషనల్ అవార్డు గెలుచుకుంది.
2018లో విడుదలైన తమిళ చిత్రం 96. సెన్సిబుల్ లవ్ స్టోరీగా తెరకెక్కింది. దర్శకుడు సి. ప్రేమ్ కుమార్ తెరకెక్కించారు. త్రిష, విజయ్ సేతుపతి జంటగా నటించారు. ఇది భగ్న ప్రేమికుని కథ.
దర్శకుడు సుకుమార్ కెరీర్లో బెస్ట్ మూవీగా నిలిచిపోయింది రంగస్థలం. రామ్ చరణ్ లోని నటుడ్ని తట్టిలేపిన చిత్రం. ఇండస్ట్రీ హిట్ కొట్టిన రంగస్థలం విలేజ్ పాలిటిక్స్, రివేంజ్, ఎమోషన్స్ ఆధారంగా తెరకెక్కింది.
దర్శకుడు అరుణ్ ప్రభు తెరకెక్కించిన తమిళ చిత్రం అరువి. ఒక అమ్మాయి స్ట్రగుల్స్ ని చక్కగా చూపించిన పొలిటికల్ థ్రిల్లర్.
కన్నడ చిత్రం లూసియా ప్రేక్షకులకు మైండ్ బ్లోయింగ్ ఎక్స్పీరియన్స్ ఇస్తుంది. దర్శకుడు పవన్ కుమార్ సైకలాజికల్ థ్రిల్లర్ గా తెరకెక్కించారు. సతీష్ నీనసం, శృతి హరిహరన్ కీలక రోల్స్ చేశారు.
దర్శకుడు రామ్ రెడ్డి తెరకెక్కించిన కామెడీ డ్రామా తితి. మనిషి మరణానంతరం జరిగే సంప్రదాయాల మీద సెటైరికల్ గా తెరకెక్కింది. బలగం మూవీ ఈ తితి చిత్రానికి దగ్గరగా ఉంటుంది.
దర్శకుడు వెంకటేష్ మహా తెరకెక్కించిన కేరాఫ్ కంచరపాలెం అప్పట్లో హాట్ టాపిక్. ఒక వ్యక్తి జీవితంలో వివిధ దశల్లో జరిగిన ప్రేమ కథల సమాహారమే కేర్ ఆఫ్ కంచరపాలెం. ప్రేక్షకుడికి ఫీల్ గుడ్ ఎక్స్పీరియన్స్ ఇస్తుంది.
సుడాని ఫ్రమ్ నైజీరియా అద్భుతమైన చిత్రాల్లో ఒకటి. ఈ మలయాళ చిత్రానికి జకారియా మహమ్మద్ దర్శకత్వం వహించారు. స్పోర్ట్స్ డ్రామాగా తెరకెక్కిన ఈ మూవీ ఆకట్టుకుంటుంది.
దర్శకుడు వెట్రిమారన్ తెరకెక్కించిన డార్క్, రా అండ్ రస్టిక్ డ్రామా విచారణ. అమాయకులపై పోలీసుల అకృత్యాలను వాస్తవ పరిస్థితులకు దగ్గరగా చెప్పారు.
